Amanat پارتياسى الماتى قالالىق فيليالى جانىنداعى ازاماتتىق قوعام مەن مادەنيەتتى دامىتۋ جونىندەگى Miras قوعامدىق كەڭەسىنىڭ مۇشەلەرى پارتيانىڭ جاڭا ساياسي تۇعىرناماسى جوباسىنىڭ ءمانى مەن مازمۇنىن تالقىلادى.
Amanat پارتياسى الماتى قالالىق فيليالى اتقارۋشى حاتشىسىنىڭ ورىنباسارى قايرات بيسەمباەۆ تۇعىرنامادا قازاقستاننىڭ باستى قوعامدىق كۇشىنىڭ بولاشاققا دەگەن كوزقاراسى, دامۋ باعدارلارى, ۇستانىمدارى مەن ساياسي ماقساتتارى قامتىلعانىن اتاپ ءوتتى. ونىڭ ايتۋىنشا, پارتيانىڭ جاڭا يدەولوگيالىق قۇجاتى ادامنىڭ, قوعام مەن مەملەكەتتىڭ ۇيلەسىمدى دامۋى, ولاردىڭ ءوزارا قارىم-قاتىناسى پرينتسيپىنە قۇرىلعان.
ال الماتى قالالىق ماسليحاتىنداعى Amanat-تىڭ دەپۋتاتى بەكبول رامازان تۇعىرنامانىڭ «ازاماتتىق قوعام – دامۋدىڭ كەپىلى» تاراۋىنا ەرەكشە توقتالدى. «وسى تاراۋدا «جاستار – ەل بولاشاعى. ءبىز بەلسەندى ازاماتتىق ۇستانىمى بار جاڭاشا ويلايتىن جاستاردىڭ تىڭ يدەيالارىن ارقاشان قولدايمىز» دەلىنەدى. تۇعىرنامادا وسكەلەڭ ۇرپاق ماسەلەسىنە ايرىقشا ءمان بەرىلىپ وتىرعانىنا ءوز باسىم ەرەكشە قۋانىپ وتىرمىن», دەدى دەپۋتات.
بۇل رەتتە كەڭەس مۇشەسى, ۇلتتىق عىلىم اكادەمياسىنىڭ اكادەميگى حانكەلدى ءابجانوۆ ماڭىزدى قۇجاتتا كورىنىس تاپقان ۇلت ساۋلىعى ماسەلەسىنە ءمان بەردى. «ەلىمىزدە دارىگەر ماماننىڭ تاپشىلىعىن كورىپ وتىرعان ەلدى مەكەندەر بار. كەمى 500 ادام تۇرىپ جاتقان اۋىلدىق جەرلەردە مىندەتتى تۇردە دارىگەر بولۋى كەرەك», دەدى اكادەميك.
ءوز كەزەگىندە, كەڭەس توراعاسى قاراگوز سۇلەيمەنوۆا جاڭا ساياسي تۇعىرناما پارتيا مۇشەلەرى, ساراپشىلار, عىلىمي جانە شىعارماشىلىق زيالى قاۋىم وكىلدەرى, بەلسەندى ازاماتتار بىرلەسە تالقىلاعان پىكىرتالاستىڭ ناتيجەسىندە پايدا بولعانىن جەتكىزدى.
«پارتيا ارقاشان قوعامدىق-ساياسي پروتسەستەردىڭ بەل ورتاسىنان تابىلادى. مۇندا ءتۇرلى پىكىر مەن كوزقاراسقا ورىن بار. سوندىقتان تۇعىرنامانى ازىرلەگەن جۇمىس توبى پارتيا مۇشەلەرى جولداعان مىڭنان استام ۇسىنىستى نازارعا الدى», دەپ قاراگوز سۇلەيمەنوۆا وتىرىستى قورىتىندىلادى.