مونوقالانىڭ دامۋى – ءوڭىردىڭ دامۋى

مەن كوپبالالى انالاردىڭ ماسەلەسىن كوتەرىپ جۇرگەن بەلسەندى ازاماتپىن. بۇعان دەيىن پرەزيدەنت باستاماسىمەن قۇرىلعان ۇلتتىق قوعامدىق سەنىم كەڭەسىنىڭ مۇشەسى بولدىم. قازىر ۇلتتىق قۇرىلتاي اياسىندا ءتۇرلى مىنبەردەن ويىمىزدى ايتۋعا مۇمكىندىك الىپ ءجۇرمىن. قاي جەردە دە كوپبالالى انالاردىڭ تالابىن, انا مەن بالا مۇددەسىن كوتەرىپ كەلەمىن. ءبىز بەرگەن ۇسىنىستاردىڭ ەشقايسى­سى ەسكەرۋسىز, قاراۋسىز قالعان ەمەس. بۇگىنگە دەيىن, قانشاما وتباسىنىڭ باسپانالى بولۋىنا, ءتۇرلى كومەك الۋىنا سەپتىگىمىزدى تيگىزدىك. ولاردى كاسىپكەرلىككە, قوعامعا يگىلىكتى ىستەرگە ۇيرەتىپ كەلەمىز. مۇنىڭ بارلىعى, ارينە, پرەزيدەنتتىڭ انالارعا دەگەن وڭ كوزقاراسىنىڭ ناتيجەسى.

پرەزيدەنتتىڭ قاراعاندى وبلىسىنا جۇمىس ساپارى بارىسىندا ءوڭىردىڭ دامۋىنا قاتىستى وزەكتى ماسەلەلەر كوتەرىلدى. ناقتى تاپسىرمالار بەرىلىپ, 8 باسىمدىق بويىنشا مىندەتتەر جۇكتەلدى. سونىڭ ارقايسىسىنىڭ ءوڭىر دامۋى ءۇشىن ءمان-ماڭىزى زور. مەملەكەت باسشىسى قاسىم-جومارت توقاەۆ قاراعاندى ايماعىنىڭ ۋربانيزاتسياسى دامىعان ايماق ەكەن­دىگىنە ەرەكشە نازار اۋداردى. راسىندا دا, قاراعاندى وبلىسى تۇرعىندارىنىڭ باسىم بولى­گى شاھارلاردا شوعىرلانعان. مونو­قالالاردى دامىتۋ – كوپ­تەن بەرى شەشىمىن كۇتكەن ماسەلە. ال مۇنداي ەلدى مەكەندەردە قان­شاما كوپبالالى وتباسى, انالار بارىن ەسكەرسەك, بۇل قالالار ەكونوميكاسىنىڭ وركەندەۋى سون­داعى كوپبالالى تۇرعىندار­دىڭ تۇرمىسىنا دا ىقپال ەتەرى داۋسىز.

پرەزيدەنت «شاعىن قالالار­داعى تاعى ءبىر ماسەلە – ينجەنەرلىك ينفراقۇرىلىمنىڭ ابدەن توزۋى. بۇل ماسەلە شەشىمىن تابۋى ءۇشىن قوماقتى قاراجات كەرەك. ۇكىمەت مونوقالالاردىڭ كوممۋنالدىق جەلىلەرىن جوندەۋگە جۇمسالا­تىن قارجى كولەمىن ارتتىرۋى قا­جەت. سەبەبى ءبىزدىڭ ازاماتتارىمىز قاي قالانىڭ تۇرعىنى بولسا دا, تازا, جاسىل جەلەككە تولى, باقۋاتتى, گۇلدەنگەن ورتادا ءومىر ءسۇرۋى كەرەك. ونى قامتاماسىز ەتۋ – مەملەكەتتىڭ مىندەتى», دەدى. مونوقالالارعا ۇكىمەت تۇرعى­سىنان دەن قويىلۋى ونداعى تۇرعىندارعا دا ءۇمىت وتىن سىيلايدى.

ءلاززات قوجاحمەتوۆا,

«Talbesyk» كوپبالالى انالار وداعى» قب باسشىسى