قاسىم-جومارت توقاەۆ پاۆلودارلىقتارمەن كەزدەسۋىندە اۋىلداعى اعايىندى تازا سۋمەن قامتۋ كورسەتكىشى 55-تەن 94 پايىزعا دەيىن وسكەنى تۋرالى ايتتى, دەپ حابارلايدى Egemen.kz.
«بيىل ايماقتا وسىنداي 19 جوبا جۇزەگە اسىرىلىپ جاتىر. اكىمدىك كەلەسى جىلى قۇنى 14 ميلليارد تەڭگە بولاتىن تاعى 39 جوبانى قولعا الۋدى ۇسىنىپ وتىر. وسىعان وراي, ۇكىمەتكە قارجى ءبولۋدى تاپسىرامىن. جالپى, ەلىمىزدىڭ بارلىق ەلدى مەكەنىندە تازا سۋ قولجەتىمدى بولۋعا ءتيىس», دەدى پرەزيدەنت.
سونداي-اق مەملەكەت باسشىسى بىلتىرعى جولداۋىندا 5 جىلدىڭ ىشىندە قالالار مەن اۋىلداردى 100 پايىز سۋمەن قامتاماسىز ەتۋدى تاپسىرعانىن ەسكە سالدى.