قر ءپىب مەديتسينالىق ورتالىعىنىڭ اۋرۋحاناسى بىرنەشە قوسىمشا مەديتسينالىق قىزمەتپەن تولىقتى. رەنتگەندىك دياگنوستيكا, اللەرگولوگيا جانە ستوماتولوگيا بويىنشا كورسەتىلەتىن جاڭا قىزمەتتەر تۋرالى اقپارات مەديتسينالىق ورتالىعى اۋرۋحاناسى رەسمي سايتىنىڭ «قىزمەتتەر» بولىمىندە ورنالاسقان, دەپ حابارلايدى Egemen.kz.
رەنتگەندىك دياگنوستيكا ءبويىنشا «بىر سۇتبەزدىڭ توموسينتەزى», «ەكى سۇتبەزدىڭ توموسينتەزى», «2D تىك پروەكتسياداعى ەكى سۇتبەزدىڭ مامموگرافياسى + قيعاش پروەكتسياداعى ەكى سۇتبەزدىڭ توموسينتەزى», 2D تىك پروەكتسياداعى ءبىر سۇتبەزدىڭ مامموگرافياسى + قيعاش پروەكتسياداعى ەكى سۇتبەزدىڭ توموسينتەزى» قىزمەتتەرى قوسىلدى.
دارىگەرلەردىڭ ايتۋىنشا, بۇل قىزمەتتەر توموسينتەز (3د مامموگرافيا) ساراپتامالىق كلاسستى جاڭا جابدىقتى ورناتقاننان كەيىن پايدا بولدى. جابدىق جاقىن ارادا پايدالانۋعا بەرىلەتىن جاڭا ەمدەۋ-دياگنوستيكالىق كورپۋسىندا ورناتىلعان. 3D مامموگرافيا ءسۇت بەزى اۋرۋلارىن دياگنوستيكالاۋدىڭ زاماناۋي جوعارى تەحنولوگيالىق ءادىسى بولىپ تابىلادى. قۇرىلعىنىڭ ارتىقشىلىعى – ول ونكوپاتولوگيانى ەرتە كەزەڭدە جوعارى دالدەكپەن دياگنوستيكالاپ, ۇساق كالتسيناتسيالاردىڭ ساپالى بەينەسىن ءدال بەرە الادى, سونداي-اق ساۋلەلىك جۇكتەمە دوزاسىن ارتتىرمايدى. سونىمەن قاتار, بۇل قوندىرعىدا ونكولوگيالىق پروتسەستىڭ دامۋىنىڭ العاشقى بەلگىلەرىن انىقتاۋ ءۇشىن ءسۇت بەزى قاتەرلى ىسىگى بويىنشا حيرۋرگيالىق ەم العان ايەلدەردى زەرتتەۋگە بولادى.
مەديتسينالىق ورتالىعى اۋرۋحاناسىنداعى جاڭا قىزمەتتەر قاتارىندا اللەرگولوگيا بويىنشا ء«پورتاتيۆتى سپيرومەتردە سىرتقى تىنىس الۋ فۋنكتسياسىن ولشەۋ» جانە ستوماتولوگيا-يمپلانتولوگيا بويىنشا «كورەيالىق قىزىل يەكتى قالىپتاستىرعىشتى ورناتۋ» قىزمەتتەرى دە ەنگىزىلگەن.