قوستاناي وبلىسىندا ەكى شەتەل ازاماتىن توناعان قالا تۇرعىندارى ۇستالدى, دەپ حابارلايدى Egemen.kz.
شەتەلدىك ەكى ازامات ارىزبەن پوليتسياعا جۇگىنگەن. جاستار قاراقشىلاردىڭ قۇربانى بولعانىن ايتتى. ەكى بەلگىسىز بىرەۋ ولارعا شابۋىل جاساپ, 80 مىڭ تەڭگەسىن الىپ كەتكەن. زارداپ شەككەندەردىڭ ايتۋىنشا, ولار قالا ورتالىعىنداعى ساۋدا ۇيلەرىنىڭ بىرىندە بولعان. ەر ادامدار كەشكى ساعات 22:00 شاماسىندا دۇكەننەن شىعىپ كەتكەن. ولارعا ەكى جىگىت كەلىپ قورقىتىپ, اقشا تالاپ ەتە باستاعان.
پوليتسەيلەر ەكى كۇدىكتىنى بىرنەشە ساعاتتىڭ ىشىندە قولعا ءتۇسىردى. ولار 21 جانە 18 جاستاعى قوستاناي قالاسىنىڭ تۇرعىندارى بولىپ شىقتى. ۇستالعاندارعا قاتىستى قر قىلمىستىق كودەكسىنىڭ 191-بابى «توناۋ» بويىنشا سوتقا دەيىنگى تەرگەۋ باستالدى.