بەلگيانىڭ لەج پروۆينتسياسىنداعى «تيانج-3» اتوم رەاكتورى جوسپاردان تىس ءوشىرىلدى. بەلگيا بيلىگى ەلدىڭ ەلەكترمەن جابدىقتالۋىنا قاۋىپ تونبەيتىنىن حابارلادى, دەپ جازادى Egemen.kz.
قازىر «تيانج-3» اتوم رەاكتورى جۇمىس ىستەمەيدى. اتوم ەلەكتر ستانتسياسىن باسقاراتىن «Engie» ەلەكتر ەنەرگياسىن وندىرەتىن كومپانيا رەاكتور جۇمىسى دۇيسەنبى كۇنى توقتاتىلعانىن حابارلادى.
وپەراتوردىڭ مالىمدەمەسىندە «قىزمەتكەرلەر رەاكتوردى قاۋىپسىز كۇيگە كەلتىرە الدى» دەلىنگەن. قازىرگى ۋاقىتتا «Engie Electrabel» رەاكتوردىڭ ىستەن شىعۋىن زەرتتەپ جاتىر.
بەلگيادا جۇمىس ىستەپ تۇرعان تاعى 5 يادرولىق رەاكتور بار. مامانداردىڭ ايتۋىنشا, «تيانج-3» رەاكتورىنداعى پروبلەمالار ەلەكترمەن جابدىقتاۋعا اسەر ەتپەيدى.