ەلدىڭ توتەنشە جاعدايلار مينيسترلىگى ازىرگە زارداپ شەككەندەر تۋرالى مالىمەت جاريالاعان جوق, دەپ حابارلايدى Egemen.kz.
جەلىدە شىرشىقتاعى زاۋىتتا بولعان جارىلىستىڭ ۆيدەولارى تاراپ كەتتى. وقيعا 4 قازان كۇنى تاڭەرتەڭ بولعان. جارىلىس دۇمپۋىنەن جاقىن ماڭداعى تۇرعىن ۇيلەردىڭ تەرەزەلەرى سىنعان.
توتەنشە جاعدايلار مينيسترلىگىنىڭ اقپارات قىزمەتى وقيعاعا قاتىستى الدىن الا مالىمەت بەردى. الايدا حاباردا جارىلىستان زارداپ شەككەندەردىڭ بار-جوعى تۋرالى ناقتى مالىمەت جوق.
«4 قازان كۇنى ساعات 8:40-تا تاشكەنت وبلىسى شىرشىق قالاسىندا ورنالاسقان «ماكسام چيرچيك» اق كاسىپورنىنىڭ سينتەزدەۋ تسەحىندا جارىلىس بولعانى تۋرالى حابار كەلىپ ءتۇستى.
وقيعا ورنىنا تاشكەنت وبلىسى توتەنشە جاعدايلار دەپارتامەنتى باسشىلىعى مەن قىزمەتكەرلەرى جانە ارنايى تەحنيكالار كەلدى. قازىرگى ۋاقىتتا قالىپتاسقان جاعدايدىڭ سالدارى جويىلۋدا. جاعداي باقىلاۋدا», دەلىنگەن حابارلامادا.