ەلىمىزدىڭ ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا قىرعىز رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى داستان ديۋشەكەەۆپەن كەزدەسۋ وتكىزدى.
ت.دۇيسەنوۆا مينيسترلىكتىڭ اقپاراتتىق جۇيەلەرى, مۇگەدەكتىگى بار ادامداردى سىرتتاي كۋالاندىرۋدى جانە وتباسىنىڭ تسيفرلىق كارتاسىن ەنگىزۋ, الەۋمەتتىك قولداۋدىڭ جاڭا شارالارى جانە الەۋمەتتىك كودەكس جوباسى شەڭبەرىندە كوزدەلگەن جۇمىسپەن قامتۋ سالاسىنداعى جاڭا ساياسات تۋرالى حاباردار ەتتى.
تاراپتار مەملەكەتتىك كورسەتىلەتىن قىزمەتتەردى اۆتوماتتاندىرۋ مەن تسيفرلاندىرۋ, قازاقستانداعى شەتەل ازاماتتارىن جانە شەتەلدەگى قازاقستان ازاماتتارىن جۇمىسپەن قامتۋ ماسەلەلەرىن تالقىلادى.
د.ديۋشەكەەۆ قازاقستاننىڭ الەۋمەتتىك-ەڭبەك سالاسىنداعى مەملەكەتتىك قىزمەتتەردى تسيفرلاندىرۋ جانە ەلەكتروندىق ەڭبەك بيرجاسى بازاسىنداعى جۇمىسپەن قامتۋ قىزمەتتەرىنىڭ سۋپەرماركەتىن قالىپتاستىرۋ جونىندەگى ۇزدىك تاجىريبەسىنە قىزىعۋشىلىق تانىت- تى.
سونىمەن قاتار مينيستر مەن ەلشى ەكى ەل اراسىنداعى زەينەتاقى جانە الەۋمەتتىك قامسىزداندىرۋ سالاسىنداعى ءوزارا ءىس-قيمىل ماسەلەسىن قاراستىردى.