ەلەكتر جەلىلەرى جاڭارتىلدى

وسى جىلى اكتسيونەرلىك قوعام­نىڭ ەلەكتر جەلىلەرىن جاڭعىرتۋ بويىن­شا 695 ملن تەڭگە بولىنگەن. بۇگىندە وڭىردەگى نىسانداردا جۇيەلى جۇمىس جۇرگىزىلىپ جاتىر. ءبىز الدىمەن تالدىقورعان قالاسىنداعى 10 كۆت-تىق №6 تاراتۋ پۋنكتىنىڭ جاڭعىرتۋ جۇ­مىس­تارىمەن تانىستىق. مۇندا اۆتوماتتاندىرىلعان زاماناۋي قۇرىلعىلار ورناتىلعان. ەس­كىرگەن رەلەلىك قورعانىس جانە اۆتو­ماتيكا قۇرىلعىلارى مەن جاب­دىقتارى تولىقتاي اۋىستىرىلىپ, ۆاكۋمدى اجىراتقىشقا كوشكەن.

وسىدان كەيىن №5 تاراتۋ پۋنك­تىنە ات باسىن بۇردىق. بۇل نىسانعا دا جاڭا قۇرىلعىلار الىنعانىمەن, ءالى ورناتىلماعان. مامانداردىڭ ايتۋىنشا, جاڭا قۇرىلعىلار شامامەن ەكى اپتا­نىڭ ىشىندە قويىلماق.

كەلەسى كەزەكتە تەكەلى قالاسى بويىنشا اتقارىلىپ جاتقان جۇمىس­تاردى كورىپ قايتتىق. مۇندا 13 شاقىرىم – 6 كۆت, 29,1 شاقىرىم – 0,4 كۆت ەلەكتر جەلىلەرى اۋىستىرىلدى. قولدانىستاعى قاپتالماعان 6/0,04 كۆت-تىق ەلەكتر جەلىلەرى وقشاۋلانعان جە­لى­لەرگە اۋىستىرىلۋدا. ازىرگە 42,1 شاقىرىمنىڭ جارتىسىنا وقشاۋلانعان اسپالى ەلەكتر جە­لىلەرى تارتىلدى. 10-كىرىستەگى توك ترانسفورماتورى قويىلدى. بارلىق جۇمىس جەلتوقسان ايىنا دەيىن اياقتالماق.

«تالدىقورعان اكتسيونەرلىك كولىك-ەلەكتر جەلىلەرى كومپانيا­سى» اق تەحنيكالىق ديرەكتورى داۋلەت شابدەن ۇلى ينۆەس­تيتسيالىق باعدارلامانىڭ جانە اكتيۆتەردى جاڭعىرتۋ بو­يىنشا اتقارىلىپ جاتقان جۇ­مىستارعا كەڭىنەن توقتالىپ, الداعى جوس­پارلارىمەن ءبولىستى.

«كەلەسى كەزەكتە قس-110/35/10 كۆت بولاتىن №159 «قارابۇلاق» جاڭعىرتۋ بويىنشا 10 كۆت ك-37 جەلىلىك ۇياشىقتاردى ۆاكۋمدى اجىراتقىشتارى بار «ك-59» سەريالى ۇياشىقتارعا اۋىستىرىلادى. سونىمەن قاتار ءۇيدىڭ اۋلاسىندا تۇرعان اعاش ەلەكتر باعانالارى سىرتقا شىعارىلىپ, تەمىربەتونعا اۋىستىرىلادى», دەدى د.شابدەن ۇلى.

كەزدەسۋ سوڭىندا ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ جەتىسۋ وبلىسى بويىنشا دەپارتامەنت باسشىسىنىڭ ورىنباسارى عالىم تويلىبەك ينۆەستيتسيالىق باعدارلامانىڭ ماڭىزدىلىعىنا, اتقارىلعان جۇمىستىڭ اۋقىم­دىلىعىنا توقتالىپ, كاسىپورىن قىزمەتكەرلەرىنىڭ جۇمىستارىنا ساتتىلىك تىلەدى.

جەتىسۋ وبلىسى