اباي وبلىسىنىڭ «تارباعاتاي» ۇلتتىق پاركىندە سابانشى مىسىق كادرعا ءىلىندى. ورمان شارۋاشىلىعى جانە جانۋارلار دۇنيەسى كوميتەتىنىڭ Instagram پاراقشاسىندا سيرەك كەزدەسەتىن جىرتقىشتىڭ سۋرەتتەرى پايدا بولدى, دەپ حابارلايدى Egemen.kz.
مانۋل نەمەسە سابانشى مىسىق - قازاقستاندا سيرەك كەزدەسەتىن جىرتقىش ءارى جاسىرىن اڭ. سابانشىلار نەگىزىنەن ءشول دالادا تىرشىلىك ەتەدى. ءىنىن جارتاس اراسىنا سالادى, كەيدە ءىرى كەمىرگىشتەردىڭ ىندەرىن دە مەكەندەيدى.
«مىسىقتار تۇقىمداسىنا جاتاتىن جانۋار دەنەسىنىڭ ءبىر شارشى سانتيمەترىندە 9 مىڭعا دەيىن تۇك ءوسۋى مۇمكىن. سوندىقتان ولار -50°C سۋىققا شىدايدى», دەلىنگەن كوميتەت حابارلاماسىندا.
ايتا كەتسەك, 1976 جىلدان باستاپ قازاقستاندا بۇل جانۋارلاردى اۋلاۋعا تىيىم سالىندى.