ەلوردادا رەسپۋبليكالىق «قولجەتىمدى سپورت» جوباسىنىڭ ۇيىمداستىرۋىمەن اشىق اسپان استىندا يوگا ساباعى ءوتتى, دەپ حابارلايدى Egemen.kz.
«ەجەلگى يوگا ءبىلىمى ارقىلى حالىقتى تۇراقتى تۇردە سپورتپەن شۇعىلدانۋعا باۋلۋ, جاستار اراسىندا سالاۋاتتى ءومىر سالتىن ناسيحاتتاۋ, فيزيكالىق جانە رۋحاني ساۋىقتىرۋ ماقساتىندا استانا قالاسى اكىمدىگىنىڭ قولداۋىمەن ترياتلون ساياباعىندا العاش رەت, تەگىن تۇردە يوگا ساباعىن وتكىزىپ وتىرمىز. جەكسەنبىلىك جاپپاي ساباققا 250-دەن استام قالا تۇرعىندارى مەن قوناقتارى قاتىسۋدا. ءوز ءىسىنىڭ شەبەرلەرى قاتىسۋشىلارعا ەجەلگى ونەردىڭ نەگىزگى تەتىكتەرىمەن تانىستىرىپ, دۇرىس ءارى جۇيەلى تۇردە يوگامەن دۇرىس اينالىسۋدىڭ تاسىلدەرىن كورسەتۋدە», دەيدى قولجەتىمدى سپورت جوباسىنىڭ جەتەكشىسى دانا تاسبولات.
جاپپاي ساۋىقتىرۋعا نەگىزدەلگەن يوگا ساباقتارىنا ءار ءتۇرلى جاستاعى قالا تۇرعىندارى مەن قوناقتارى قاتىستى. ەرەكشە فورماتتا وتكەن شاراعا نيەت بىلدىرگەندەردىڭ قاتارى از بولمادى.
سونىمەن قاتار, سپورتتىق شارا قاتىسۋشىلارى اراسىندا ۇيىمداستىرۋشىلار جوبا سەرىكتەستەرىنەن سىيلىقتار مەن ۇتىس ويىنىن وتكىزدى. شارانىڭ باس جۇلدەسى تۇركيانىڭ «LSA» كومپانياسىنىڭ جىلجىمايتىن م ۇلىك جونىندەگى ساراپشىلارىنان ءبىر اپتاعا انتالياعا ەكى ادامعا جولداما ويناتىلدى.
ساباقتىڭ قاتىسۋشىسى استانالىق دارىن سولتانعازينگە الانياعا ەكى ادامدىق جولداما بۇيىردى.