پوليتسيا قىزمەتكەرلەرى شۋ قالاسىنداعى اتىسقا قاتىسى بار كۇدىكتىلەردى ۇستادى, دەپ حابارلايدى Egemen.kz Polisia.kz Telegram ارناسىنا سىلتەمە جاساپ.
پوليتسيانىڭ مالىمەتىنشە, اتىسقا بەلسەندى قاتىسقان ەكى ازامات ۋاقىتشا ۇستاۋ يزولياتورىنا قامالدى, ۇشىنشىسىنە قاتىستى تەرگەۋ ارەكەتتەرى جۇرگىزىلۋدە, ولاردىڭ ناتيجەلەرى بويىنشا ونى ۋۇي-عا قاماۋعا الۋ تۋرالى ماسەلە قاراستىرىلۋدا. ءتورتىنشى كۇدىكتى حالىقارالىق ىزدەۋگە جاريالاندى.
وقيعا فاكتىسى بويىنشا قك-ءنىڭ 99-بابى 2-بولىگىنىڭ 1-تارماعى «ەكى جانە ودان دا كوپ ادامدى ءولتىرۋ» بويىنشا سوتقا دەيىنگى تەرگەۋ باستالدى.
ەسكە سالا كەتسەك, 25 قىركۇيەك كۇنى ساعات 00:18-دە اتىس كەزىندە زارداپ شەككەن ءتورت جىگىت اۋرۋحاناعا تۇسكەنى جايلى حابارلاندى. كەيىنىرەك جابىرلەنۋشىنىڭ بىرەۋى اۋرۋحانانىڭ جانساقتاۋ بولىمىندە قايتىس بولعانى انىقتالدى.