قر يندۋستريا جانە ينفراقۇرىلىمدىق دامۋ مينيسترلىگىنە قاراستى ازاماتتىق اۆياتسيا كوميتەتى ماسكەۋدەن الماتىعا باعىتتالعان اۆيابيلەتتەردىڭ تاريفتەرى وزگەرمەگەنىن اتاپ ءوتتى, دەپ حابارلايدى Egemen.kz.
كوميتەت الەۋمەتتىك جەلىدە تاراعان اقپاراتتا ماسكەۋدەن الماتىعا اۆيابيلەتتەردىڭ قۇنى دۋباي ارقىلى ترانزيتتىك رەيستى ەسكەرە وتىرىپ كورسەتىلگەنىن ناقتىلادى.
«باعاسى 7,8 ملن تەڭگەلىك بيلەت ماسكەۋ – دۋباي (Emirates) جانە دۋباي - الماتى («ەير استانا») باعىتى بويىنشا ترانزيتتەن قالىپتاسقان», دەلىنگەن حابارلامادا.
كوميتەتتىڭ حابارلاۋىنشا,ي ماسكەۋ – الماتى جانە دۋباي – الماتى باعىتتارى بويىنشا قازاقستاندىق اۆياكومپانيالاردىڭ تىكەلەي رەيستەرىندە تاريفتەر وزگەرگەن جوق.
2022 جىلعى 24 قىركۇيەكتەگى ماسكەۋ (ۆنۋكوۆو) – الماتى باعىتى بويىنشا SCAT رەيسىنە بيلەت قۇنى 253 688 تەڭگەنى جانە 29 قىركۇيەكتەگى – 208 078 تەڭگەنى قۇرايدى;
2022 جىلعى 22 قىركۇيەكتەگى دۋباي – الماتى باعىتى بويىنشا «ەير استانا» رەيسىنە بيلەت قۇنى 334 146 تەڭگەنى قۇرايدى.
ەسكە سالا كەتسەك, بۇگىن 21 قىركۇيەكتە رەسەي پرەزيدەنتى ۆلاديمير پۋتين ەلدە ءىشىنارا جۇمىلدىرۋ شارالارىن جاريالادى.
رەسەيلىك ادۆوكات گەورگي مەلكوۆ فەدەرال پرەسس اگەنتتىگىنە رەسەي زاڭدارىنا سايكەس 18 جاستان 65 جاسقا دەيىنگى بارلىق ەر ادامدار شەتەلگە شىعا المايتىنىن ايتتى.
الايدا رەسەيدە جۇمىلدىرۋ شارالارى قالاي ۇيىمداستىرىلاتىنى ءالى بەلگىسىز.