21 قىركۇيەكتە قحر توراعاسى, قحر ورتالىق اسكەري كەڭەسىنىڭ توراعاسى سي تسزينپين قىتاي حالىق ازاتتىق ارمياسى ناقتى ۇرىس قيمىلدارىنا قاتىسۋعا دايىندالۋى كەرەكتىگىن ايتتى, دەپ حابارلايدى Egemen.kz ريا نوۆوستيگە سىلتەمە جاساپ.
قىتايدىڭ ورتالىق تەلەارناسى حابارلاعانداي, ول پەكيندە وتكەن ۇلتتىق قورعانىس جانە اسكەري رەفورما سەمينارىنا قاتىسۋشىلارعا وسىنداي نۇسقاۋ جىبەردى. ءىس-شاراعا قكپ وك ساياسي بيۋروسىنىڭ مۇشەلەرى قاتىستى.
قحر باسشىسى ەلدە ەنىگىزىلىپ جاتقان رەفورمانىڭ بەلگىلەنگەن ماقساتتارىن ىسكە اسىرۋ جونىندەگى جوسپاردى قاتاڭ ۇستانۋ قاجەتتىگىن مالىمدەدى.
2015 جىلى قىتاي بيلىگى ولاردىڭ تيىمدىلىگىن ارتتىرۋ ءۇشىن قارۋلى كۇشتەردى رەفورمالاۋ جوسپارلارىن جاريالاعان ەدى.
قحر توراعاسى سي تسزينپين قاجەت بولعان جاعدايدا كەز-كەلگەن جاۋعا قارسى تۇرا الاتىن زاماناۋي ارميا قۇرۋعا تىرىسىپ جاتىر, ونىڭ ايتۋىنشا, ارمياعا قويىلاتىن ەڭ ماڭىزدى تالاپ - ونىڭ جاۋىنگەرلىك قابىلەتى.