اكىمدىكتەردىڭ دەرەكتەرىنە سايكەس, 13,9 ملن گا ءداندى جانە ءداندى-بۇرشاقتى داقىلدار جينالدى, بۇل جالپى ءونىمنىڭ 86,3% قۇرايدى, دەپ حابارلايدى Egemen.kz اۋىل شارۋاشىلىعى مينيسترلىگىنە سىلتەمە جاساپ.
قازىرگى تاڭدا ورتاشا ونىمدىلىك گەكتارىنا 12,5 تسەنتنەر كەزىندە 17,3 ملن توننا استىق باستىرىلدى.
باسقا اۋىل شارۋاشىلىعى داقىلدارىنا كەلەتىن بولساق, مايلى داقىلداردىڭ جالپى ءتۇسىمى 363 مىڭ توننانى قۇرادى, 3,6 ملن توننا كوكونىس جانە 2,1 ملن توننا كارتوپ جينالدى. ەگىندى جيناۋ جۇمىسى جالعاسىپ جاتىر.
«قازاقستاندا جالپى ساقتاۋ سىيىمدىلىعى 12,8 ملن توننا بولاتىن 189 ليتسەنزيالانعان استىق قابىلداۋ كاسىپورنى جۇمىس ىستەيدى. ولاردى جاڭا ءونىمدى قابىلداۋعا دايىنداۋ بويىنشا جوسپارلى جۇمىس جۇرگىزىلىپ جاتىر. سونىمەن قاتار, اۋىل شارۋاشىلىعى تاۋارىن وندىرۋشىلەردىڭ ءوزىنىڭ 16,6 ملن توننا استىققا ەسەپتەلگەن ساقتاۋ قويمالارى بار. اتالعان كولەمدەردىڭ بولجامدى ءتۇسىمىن ەسكەرسەك, ول ورىندار جينالعان استىقتى ساقتاۋ ءۇشىن جەتكىلىكتى بولادى», دەپ جازىلعان ۆەدومستۆو تاراتقان حابارلامادا.