مۇرات ساكەن ۇلى ماعزين قاراعاندى وبلىسىنىڭ قۇرىلىس, ساۋلەت جانە قالا قۇرىلىسى باسقارماسىنىڭ باسشىسى بولىپ تاعايىندالدى, دەپ حابارلايدى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ.
مۇرات ماعزيننىڭ كانديداتۋراسى كونكۋرستىق كوميسسيانىڭ شەشىمىمەن ۇسىنىلعان.
مۇرات ماعزين ەڭبەك جولىن 2000 جىلى «يسپات-كارمەت» اق كد ۆ. ي. لەنين اتىنداعى شاحتاسىندا تاۋ-كەن شەبەرى بولىپ باستاعان.
2004 جىلدان باستاپ مەملەكەتتىك قىزمەتتە – اباي اۋدانىندا قۇرىلىس جانە قالا قۇرىلىسى; تكش, جولاۋشىلار كولىگى جانە اۆتوموبيل جولدارى بولىمدەرىنىڭ باس مامانى بولىپ جۇمىس ىستەدى.
2006 جىلدان 2015 جىلعا دەيىن وسى اۋداندا قۇرىلىس, ساۋلەت جانە قالا قۇرىلىسى ءبولىمىن باسقاردى.
2015 جىلدىڭ قىركۇيەك ايىنان باستاپ قازىرگى تاڭعا دەيىن اباي اۋدانى اكىمىنىڭ ورىنباسارى قىزمەتىن اتقاردى.