قازاقستاندىق سپورتشىلاردىڭ قورجىنىن ەركىن كۇرەس شەبەرى ازامات داۋلەتبەكوۆ تولىقتىردى. ول وسى كۇندەرى بەلگراد كىلەمىندە ءوتىپ جاتقان الەم چەمپيوناتىنىڭ قولا مەدالى ءۇشىن كۇرەستى, دەپ حابارلايدى Egemen.kz Olympic.kz سايتىنا سىلتەمە جاساپ.
86 كەلىگە دەيىنگى سالماق دارەجەسىندە الەم بىرىنشىلىگىنىڭ ءۇشىنشى ورنى ءۇشىن وتكەن جەكپە-جەكتە قازاقستاندىق پۋەرتو-ريكودان كەلگەن سپورتشى ەتان راموسپەن كۇرەسىپ, 10-0 ناتيجەسىمەن مەرزىمىنەن بۇرىن جەڭىسكە جەتتى.
بۇعان دەيىن, 2022 جىلعى الەم چەمپيوناتىندا گرەك-ريم ءستيلىنىڭ وكىلى ايدوس سۇلتانعالي 60 كەلىگە دەيىنگى سالماقتا قولا مەدال جەڭىپ العان ەدى.
ال ايەلدەر كۇرەسىنەن سپورتشى ءجاميلا باقبەرگەنوۆا 76 كەلىگە دەيىنگى سالماقتا كۇمىس مەدالعا يە بولدى.