ماۋلەن اشىمباەۆ ساۋد ارابياسى كورولدىگىنىڭ يسلام ىستەرى, ۋاعىز جانە ناسيحات جونىندەگى ءمينيسترى ابدۋللاتيف بەن ابدۋلازيز ابدراحمان ءال اش-شەيحپەن كەزدەستى, دەپ حابارلايدى Egemen.kz قر پارلامەنت سەناتىنىڭ ءباسپاسوز قىزمەتىنە سىلتەمە جاساپ.
سەنات سپيكەرى, الەمدىك جانە ءداستۇرلى دىندەر ليدەرلەرىنىڭ سەزى حاتشىلىعىنىڭ باسشىسى ماۋلەن اشىمباەۆ مينيسترگە VII سەزد جۇمىسىنا قاتىسقانى جانە فورۋم كوزدەگەن ماقساتتارعا قول جەتكىزۋگە قوسقان ۇلەسى ءۇشىن ريزاشىلىق ءبىلدىردى. سونداي-اق ساۋد ارابياسى قازاقستاننىڭ تاياۋ شىعىستاعى نەگىزگى سەرىكتەستەرىنىڭ ءبىرى ەكەنىن اتاپ ءوتتى.
ءوز سوزىندە ساۋد ارابياسى كورولدىگىنىڭ يسلام ىستەرى, ۋاعىز جانە ناسيحات جونىندەگى ءمينيسترى الەمدىك جانە ءداستۇرلى دىندەر ليدەرلەرى سەزىنىڭ بەدەلى مەن رولىنە, قازاقستاننىڭ كونفەسسياارالىق جانە وركەنيەتارالىق ديالوگتى ىلگەرىلەتۋگە قوسقان ۇلەسىنە توقتالدى.
كەزدەسۋ بارىسىندا تاراپتار ىنتىماقتاستىقتى ارتتىرۋ جانە دىنارالىق ديالوگتى حالىقارالىق دەڭگەيدە ودان ءارى ىلگەرىلەتۋ جونىندەگى مىندەتتەرگە دە نازار اۋداردى.