قازاقستاننىڭ ۇزدىك تەننيسشىسى ەلەنا رىباكينا گەرمانيا وكىلى لاۋرا زيگەمۋندتى جەڭىپ, سلوۆەنيانىڭ پورتوروج قالاسىندا ءوتىپ جاتقان WTA ءتۋرنيرىنىڭ ەكىنشى اينالىمىنا شىقتى, دەپ حابارلايدى Egemen.kz قتف سايتىنا سىلتەمە جاساپ.
ايتا كەتسەك, WTA ءتۋرنيرىنىڭ جۇلدە قورى 200 مىڭ ەۋرونى قۇرايدى.
اتالعان سايىستاردا قازاقستاندىق سپورتشى گەرمانيا وكىلى لاۋرا زيگەمۋندتان باسىم ءتۇستى. بۇل جەڭىس ءۇشىن رىباكينا بارلىق ءۇش پارتيانى پايدالانىپ, ويىندى 6:7, 6:4, 7:6 ەسەبىمەن اياقتادى. كەزدەسۋ 3 ساعات 22 مينۋتقا سوزىلدى.
ەندى ۋيمبلدون-2022 چەمپيونى WTA Portoroz ءتۋرنيرىنىڭ ەكىنشى اينالىمىنداعى ماتچتا الەمنىڭ 66-شى راكەتكاسى چەحيالىق تەرەزا مارتينتسوۆامەن كەزدەسەدى.