پرەزيدەنت ساۋد ارابياسى كورولدىگىنىڭ يسلام ىستەرى, ۋاعىز جانە ناسيحات جونىندەگى ءمينيسترى شەيح ابدۋللاتيف بەن ابدۋلازيز ابدراحمان ءال اش-شەيحپەن كەزدەستى, دەپ حابارلايدى Egemen.kz.
قاسىم-جومارت توقاەۆ ساۋد ارابياسى كورولدىگىنىڭ يسلام ىستەرى, ۋاعىز جانە ناسيحات جونىندەگى ءمينيسترى شەيح ابدۋللاتيف بەن ابدۋلازيز ابدراحمان ءال اش-شەيحپەن كەزدەسۋ وتكىزدى.
مەملەكەت باسشىسى يسلام الەمىنە قاسيەتتى بولعان مەككە مەن مەدينەنىڭ ورنالاسقان مەكەنى – ساۋد ارابياسى وكىلدەرىنىڭ بۇگىنگى الەمدىك جانە ءداستۇرلى دىندەر كوشباسشىلارىنىڭ باسقوسۋىنا قاتىسۋى وتە ماڭىزدى ەكەنىن اتاپ ءوتتى.
كەزدەسۋ بارىسىندا قاسىم-جومارت توقاەۆ قوس كيەنىڭ ساقشىسى, كورول سالماننىڭ ارنايى وكىلى رەتىندە ساۋد دەلەگاتسياسىن باستاپ كەلگەنى ءۇشىن مينيسترگە ريزاشىلىعىن ءبىلدىردى.
ساۋد ارابياسى كورولدىگىنىڭ يسلام ىستەرى, ۋاعىز جانە ناسيحات جونىندەگى ءمينيسترى الەمدىك جانە ءداستۇرلى دىندەر كوشباسشىلارىنىڭ باسقوسۋى بەدەلدى جاھاندىق ديالوگ الاڭىنا اينالعانىن ايتتى.
كەزدەسۋ بارىسىندا قازاقستان مەن ساۋد ارابياسى اراسىنداعى گۋمانيتارلىق ىنتىماقتاستىقتى ودان ءارى نىعايتۋ پەرسپەكتيۆالارى تالقىلاندى.