الەمدىك جانە ءداستۇرلى دىندەر كوشباسشىلارىنىڭ سەزىندە مەملەكەت باسشىسى قاسىم-جومارت توقاەۆ قازاق جەرى عاسىرلار بويى باتىس پەن شىعىستىڭ اراسىنداعى كوپىر بولىپ كەلە جاتقانىن ايتتى, دەپ حابارلايدى Egemen.kz.
«ەلىمىزدىڭ الماتى وبلىسىندا قويلىق دەگەن ورتاعاسىرلىق قالانىڭ ورنى بار. سول جەردە قازبا جۇمىستارى جۇرگىزىلدى. ءحىى-ءXىV عاسىرلاردا وسى قالادا يسلام, حريستيان جانە بۋدديزم ءدىنىنىڭ عيماراتتارى ىرگەلەس تۇرعانى انىقتالدى. شىن مانىندە قازاقستان اۋماعى بارلىق الەمدىك دىندەردىڭ كيەلى ورىندارى كورىنىس تاپقان كارتا ىسپەتتى. مۇسىلماندار ارىستان بابتىڭ, قوجا-احمەت ءيااسساۋيدىڭ كەسەنەلەرىنە, بەكەت اتانىڭ جەراستى مەشىتىنە جانە باسقا دا قاسيەتتى جەرلەرگە بارىپ زيارات ەتەدى», دەدى پرەزيدەنت.