19-20 قىركۇيەك كۇندەرى اقتاۋداعى «حالىق ارەنادا» قازاقستاننىڭ ۇلتتىق قۇراماسى ازەربايجاننىڭ فۋتزالشىلارىمەن جولداستىق كەزدەسۋ وتكىزەدى.
قازىرگى كەزدە ءدال سول كاسپي تەڭىزىنىڭ جاعالاۋىندا ءبىزدىڭ جىگىتتەر وقۋ-جاتتىعۋ جيىنىن وتكىزۋدە. كوماندامىزدىڭ باس باپكەرى ريكاردو كاكا الداعى باسەكەدە مىنا فۋتزالشىلارعا سەنىم ارتىپ وتىر. قاقپاشىلار – يگيتا, نارۋن سەرىكوۆ («كايرات»), اقجول قايرات ۇلى («كاسپي»). قاپتالداعى ويىنشىلار – دۋگلاس, داۋرەن نۇرعوجين, شىڭعىس ەسەنامانوۆ, ءبىرجان ورازوۆ, داۋرەن تۇرساعۇلوۆ, البەرت اقبالىقوۆ, ەدسون («قايرات»), تاينان («ەل-پوسو», يسپانيا), ارنولد كناۋب, رايىمبەك جۇما, جاھانگەر راشيت («كاسپي»), ازات ۆاليۋللين, ءابدىراسۇل ءابدىماناپ ۇلى («ايات») جانە ەۆگەني كوشكين («استانا»).
ەستەرىڭىزگە سالا كەتەيىك, قازاقستان قۇراماسى ساناۋلى كۇندەردەن كەيىن 2024 جىلى وتەتىن الەم چەمپيوناتىنىڭ ىرىكتەۋ تۋرنيرىنە قاتىسادى. ءوزىنىڭ العاشقى ماتچىن جەرلەستەرىمىز 8 قازاندا ءوز الاڭىندا سلوۆەنيا قۇراماسىمەن وتكىزەدى.