جولداۋدا جاڭالىق كوپ

اۋىلدىق جەردە مال سانى ارتقان سايىن جەر داۋى جيىلەي باستادى. جايىلىم­نىڭ تارلىعى, شابىندىق­تىڭ جوقتىعى – كۇن تارتىبىنەن تۇسپەيتىن ماسەلە. جولداۋدا پرەزيدەنت جەر ماسەلە­سىنە نازار اۋداردى. البەتتە, يگەرىل­مەي بوس جاتقان جەرلەردى مەملەكەت مەنشىگىنە قايتارىپ, شارۋاشىلىقپەن شىنداپ اينالىسىپ جۇرگەن ازاماتتارعا ۇلەستىرىپ بەرۋ قاجەت. ايتپەسە, ون سيىرى بار ازامات جەر تاپپاي جۇرەدى دە, ءبىر تۇياق مالى جوق ازامات جۇزدەگەن گەكتاردى يەلەنىپ وتىرادى. مەملەكەت باسشىسى جىل سوڭىنا دەيىن 5 ملن گەكتار جەردى قايتارۋ كەرەكتىگىن ايتتى. ول ءۇشىن جەرگىلىكتى جەرلەردەگى كوميسسيا جۇمىس ىستەۋگە ءتيىس.

سونداي-اق پرەزيدەنت جول قۇرىلىسىنداعى ساپاسىزدىقتى سىنعا الدى. باسقانى بىلمەيمىن, شىعىس قازاقستاننىڭ جولدارى ابدەن توزعان. سالىنىپ جاتقان ومبى-مايقاپشاعاي كۇرە جولى سا­عىز­داي سوزىلىپ كەتتى. جول­داۋ­­دان كەيىن جول جوندەلەر دەپ ءبىر ءتۇ­يىپ قوي­دىق. ماڭىزدى قۇ­جات­­تا بيتۋم­نىڭ تاپشىلىعى دا ءسوز بول­دى. كادىمگى بيتۋم ما­سە­­لە­­سىن مەملەكەت باسشىسى جول­­داۋى­نا قوسىپ وتىرعان سوڭ جەر­گى­­لىكتى جەردەگى اكىمدەردەن نە سۇرايمىز؟!

جولداۋدا اۋىل شارۋاشى­لىعى­نا دا نازار اۋدارىلدى. پرە­زي­دەنت سۋبسيديا العاندارعا با­قى­لاۋ كۇشەيتىلۋ كەرەك دەپ قوس­تى. راس, سۋبسيديانى الۋىن الىپ, ەڭبەگىنەن ناتيجە كورسەت­پەي وتىرعان شارۋالار جوق ەمەس.

ايەلدەردىڭ زەينەت جاسى­نىڭ 2028 جىلى 61 جاسقا دەيىن تۇسەتىنىن ايتىپ قۋانتتى, بالا­لارعا قور اشىلاتىنىن ايتىپ تاعى قۋانتتى. ءبىلىم سالاسىندا دا جاقسى جاڭالىقتار بولاتىن كورىنەدى. بارىنە توقتالماي-اق قويايىن, بىراق تاربيەشىلەردىڭ جالاقىسى كوتەرى­لىپ, اتتەستاتسيادان وتەتىن­دىگى تۋرالى ءدوپ باسىپ ايت­تى. راس, جالاقىنى كوتەرۋ كە­رەك. بىراق بالا تاربيەسىنە ءبىلىم­­دى, بىلىكتى تاربيەشى كەرەك. ول ءۇشىن مىندەتتى تۇردە سى­ناق­­تان ءوتۋى ءتيىس. ايتپەسە, با­لا­باق­شا­لاردا بەينەكامەراعا ءتۇ­سىپ قالعان تاربيەشىلەردىڭ تاربيە­سىزدىگىن كورۋ سوڭعى كەزدە جيىلەپ كەتكەنى ەشكىمگە جاسىرىن ەمەس.

جولداۋدا جاڭالىق كوپ. ەندى ونىڭ ءبارى جۇزەگە اسۋى ءۇشىن بىز­دەر جۇمىس ىستەۋىمىز كە­­رەك. جول­داۋدى جۇزەگە اسىرا­تىن ءوزىمىز. سوزدەن ىسكە كوشۋ كەرەك.

ءادىل سايلاۋبەك,

قوعام بەلسەندىسى, ساياساتتانۋشى

شىعىس قازاقستان وبلىسى