قاراعاندى وبلىسىندا ەسىرتكى زاتتارىن ازىرلەۋ, ساقتاۋ جانە ساتۋ فاكتىلەرىنىڭ جولى كەسىلدى, دەپ حابارلايدى Egemen.kz Polisia.kz سايتىنا سىلتەمە جاساپ.
«دارمەك» جەدەل الدىن الۋ ءىس-شاراسى بارىسىندا پوليتسيا قىزمەتكەرلەرى قر قك 297-بابى «ەسىرتكى زاتتاردى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ, جونەلتۋ نەمەسە وتكىزۋ» بويىنشا قىلمىستىڭ 5 فاكتىسىن جانە 296-بابى «ەسىرتكى زاتتارىمەن زاڭسىز جۇمىس ىستەۋ, ەسىرتكى زاتتارىن زاڭسىز پايدالانۋ» بويىنشا 2 فاكتىنى انىقتادى.
ماسەلەن, قاراعاندىدا وبلىستىق پد ۋپن قىزمەتكەرلەرى 38 جاستاعى ەر ادامدى ۇستادى. ونىڭ وزىنە ءتان ءيىسى بار اق ءتۇستى ۇنتاق زات سالىنعان تۇيىرشىك تاركىلەندى. ساراپشىلاردىڭ قورىتىندىسىنا سايكەس زەرتتەۋگە ۇسىنىلعان زات جالپى سالماعى 121,24 گر مەفەدرون ەكەنى انىقتالدى.
اتالعان دەرەك قر قك 296-بابى بويىنشا سدتبت-دە تىركەلدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە.
سونداي-اق قۇقىق قورعاۋ ورگاندارى اكىمشىلىك قۇقىق بۇزۋشىلىقتاردى انىقتاۋ بويىنشا ءىس-شارالار كەشەنىن جۇرگىزدى.
قر اقبتك-ءنىڭ 427-بابى «ەسىرتكى قۇرالدارى, پسيحوتروپتىق زاتتار, پرەكۋرسورلار اينالىمى سالاسىنداعى وبەكتىلەر مەن ءۇي-جايلاردىڭ تەحنيكالىق نىعايتىلۋ تالاپتارىن بۇزۋ» بويىنشا 5 قۇقىق بۇزۋشىلىق, قر اقبتك-ءنىڭ «ليتسەنزيالاۋ نورمالارىن بۇزۋ» بويىنشا 1 قۇقىق بۇزۋشىلىق انىقتالدى.
جۇرگىزىلگەن ءىس-شارالار بارىسىندا بالقاش پب وپن قىزمەتكەرلەرى ونەركاسىپ وبەكتىلەرىنىڭ ءبىرىن تەكسەرۋدى جۇزەگە اسىردى. وندا قولدانىستاعى ليتسەنزياسىز پرەكۋرسورلارمەن جۇمىس جۇرگىزىلگەنى انىقتالدى. ناتيجەسىندە جالپى سالماعى 8 كەلى پرەكۋرسور تاركىلەندى. قر اقبتك-ءنىڭ 464-بابى بويىنشا ماتەريال قۇراستىرىلدى.
سونداي-اق وبلىستىق پد قىزمەتكەرلەرى دارىلىك زاتتاردى دارىگەرلىك رەتسەپتسىز ساتۋدىڭ 8 فاكتىسىن انىقتادى. وسىلايشا, ترامادول مەن تروپيكاميد پرەپاراتتارىنىڭ 100-دەن استام داناسى تاركىلەندى.
9 قىركۇيەكتە تەمىرتاۋ ۋپ قىزمەتكەرلەرى زاڭسىز مەديتسينالىق جانە فارماتسەۆتيكالىق قىزمەتپەن اينالىسقان 28 جاستاعى قالا تۇرعىنىن اشكەرەلەدى. ەر ادامنان 10 دانا ترامادول مەن 10 امپۋلا تروپيكاميد تاركىلەندى. انىقتالعان اكىمشىلىك فاكتىلەر بويىنشا ماتەريالدار دەنساۋلىق ساقتاۋ مينيسترلىگى مەديتسينالىق جانە فارماتسەۆتيكالىق باقىلاۋ كوميتەتىنىڭ قاراعاندى وبلىسى بويىنشا دەپارتامەنتىنە جولداندى.