پارلامەنت سەناتىنىڭ توراعاسى, الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى ماۋلەن اشىمباەۆ سەزد حاتشىلىعىنىڭ حح وتىرىسىنا قاتىستى, دەپ حابارلايدى Egemen.kz.
سەزد حاتشىلىعىنىڭ حح وتىرىسىن اشقان ماۋلەن اشىمباەۆ ءسوز باسىندا قاتىسۋشىلارعا جىلى لەبىزىن ءبىلدىردى.
ء«بىز بۇگىن الداعى فورۋمعا قاتىستى بىرقاتار ۇيىمداستىرۋ ماسەلەسىن تالقىلاپ, تاعى ءبىر پىسىقتاپ الۋ ءۇشىن جينالىپ وتىرمىز. الدىمەن, VII سەزدى ۇيىمداستىرۋ جولىندا بىرلەسىپ اتقارعان اۋقىمدى جۇمىستارىڭىز ءۇشىن بارشاڭىزعا شىن كوڭىلدەن العىسىمىزدى بىلدىرەمىز. بيىلعى سەزد الەم ءۇشىن تاريحي جانە بىرەگەي وقيعاعا اينالادى دەسەك, ارتىق بولا قويماس», دەدى ول.
سونداي-اق بۇل كوروناۆيرۋس پاندەمياسى باستالعالى بەرى العاش رەت وتكىزىلىپ وتىرعان الەمدىك جانە ءداستۇرلى دىندەر ليدەرلەرىنىڭ سەزى ەكەنىن ەسكە سالدى.
«ىندەت كەزىندە بىزگە ديالوگ پەن تىكەلەي قارىم-قاتىناس جەتىسپەگەنى ءسوزسىز. سەزد رۋحاني كوشباسشىلارعا تىكەلەي سۇحبات قۇرۋعا, دىنارالىق جانە وركەنيەتارالىق ديالوگتى نىعايتۋدىڭ ماڭىزدى ماسەلەلەرىن بىرلەسىپ قاراۋعا, سونداي-اق, الەمدى الاڭداتقان وزەكتى پروبلەمالاردى شەشۋ جولدارىن تالقىلاۋعا ۇلكەن مۇمكىندىك بەرەدى. سوندىقتان الداعى سەزد مازمۇندى ءارى تابىستى بولادى دەپ سەنەمىز», دەدى ماۋلەن اشىمباەۆ.