جاس بەلسەندىلەر – ءبىر تولقىندا

ءماجىلىس دەپۋتاتى, پارتيا فراكتسيا­سىنىڭ مۇشەسى ەلنۇر بەيسەنباەۆ جيىندا مەملەكەت باسشىسىنىڭ جولداۋدا جاس ۇرپاققا ەرەكشە نازار اۋدارعانىن اتاپ ءوتتى. «ەلىمىزدە بۇگىندە 70 مىڭنان استام مەملەكەتتىك ءبىلىم گرانتى بولىنەدى. دامىعان ەۋروپالىق مەملەكەتتەردىڭ كوبىندە مۇنداي جەڭىلدىك جوق. بۇل سىزدەرگە بەرىلىپ وتىرعان زور مۇمكىندىك. سەبەبى ءبىلىمدى, بىلىكتى ازاماتتاردىڭ ومىردە ءوز ورنىن تابا الۋى – مەملەكەت ءۇشىن اسا ماڭىزدى. شامامەن, قازاق­ستاننىڭ ءاربىر ءۇشىنشى تۇرعىنى – جاس ازامات. سوندىقتان, ادىلەتتى قازاق­ستان­دى قۇرۋ ىسىندە ارقايسىسىڭىزدىڭ قوسقان ۇلەسىڭىز ماڭىزدى», دەپ اتاپ ءوتتى ءماجىلىس دەپۋتاتى.

«جاستار رۋحى» جاستار قاناتىنىڭ توراعاسى نۇرجان جەتپىسباەۆ جولداۋدا جاستار اراسىنداعى جۇمىسسىزدىقپەن كۇرەس شارالارى, اتاپ ايتقاندا كاسىپكەر­لىكتى كوتەرمەلەۋ ارقىلى جاس ۇرپاققا قولداۋ كورسەتۋ ماسەلەسى ايرىقشا ايتىل­عانىنا نازار اۋداردى.

«پرەزيدەنت جاستارعا 2,5%-بەن جەڭىل­دەتىلگەن نەسيە بەرىلەتىنىن مالىمدەدى. بۇل باستاما قوعامدا قىزۋ تالقىلانۋدا. الداعى ۋاقىتتا قازاقستانداعى شاعىن بيزنەس جاستاردىڭ تىڭ باستامالارى ارقىلى جاڭا دەڭگەيگە كوتەرىلەتىنىنە سەنىم­دىمىن. وسىلايشا, مەملەكەت جاس­تارعا ايرىقشا نازار اۋدارىپ قانا قوي­ماي, ەڭبەكسۇيگىشتىك پەن كاسىبي شەبەر­لىكتى كوتەرمەلەپ وتىر. ال ونسىز تابىس­تى كاسىپ قۇرۋ مۇمكىن ەمەس», دەدى ول.

ءوز كەزەگىندە, Talap كەاق پرەزيدەنتى شولپان وتەلباەۆا مەملەكەت جاستاردىڭ ءبىلىم دەڭگەيىن ارتتىرۋ ءۇشىن كوپ كۇش جۇمسايدى دەپ سانايدى.

ء«بىر كەزدەرى Aqyl ءبىلىم بەرۋ دەپو­زيتىمەن اينالىستىم. سول كەزدە وسى جيناقتاۋشى جۇيەنى ءار بالا قاراجات الا الاتىنداي ەتىپ تۇرلەندىرۋ تۋرالى وي پايدا بولدى. مەملەكەت باسشىسى ۇلتتىق قوردىڭ جىل سايىنعى ينۆەستيتسيالىق تابىسىنىڭ ءبىر بولىگى 18 جاسقا تولماعان ءاربىر قازاقستاندىققا باعىتتالاتىنىن ايتقان كەزدە ەرەكشە قۋاندىم», دەدى ول.

پرەزيدەنت جانىنداعى مەملەكەتتىك باسقارۋ اكادەمياسىنىڭ رەكتورى ەرلان ءابىلدىڭ پايىمداۋىنشا, مەملەكەت باسشىسى جاريالاعان مەملەكەتتىك باسقارۋ جۇيەسىن قايتا جاڭعىرتۋ جۇمىسى انا­عۇر­لىم بىلىكتى ءارى تالانتتى مامانداردى تارتۋعا مۇمكىندىك بەرەدى.