نيۋ-يوركتەگى دۇنيەجۇزىلىك ساۋدا ورتالىعىنىڭ ەگىز مۇنارالارى ورنالاسقان مەموريالدىق كەشەندە 2001 جىلعى 11 قىركۇيەكتە بولعان لاڭكەستىك وقيعادا قازا تاپقانداردى ەسكە الۋ ءراسىمى ءوتتى, دەپ حابارلايدى Egemen.kz.
تاسس اگەنتتىگىنىڭ مالىمەتىنشە, وسىدان 21 جىل بۇرىن مانحەتتەننىڭ تومەنگى بولىگىندە بولعان لاڭكەستىك وقيعادا قۇربان بولعانداردى ەسكە الۋ ءۇشىن جۇزدەگەن ادام جينالعان.
پوليتسيا ايگىلى ەگىز مۇنارالار تۇرعان جەردە قۇرىلعان Ground Zero مەموريالدىق كەشەنىنە جاقىن ورنالاسقان كوشەلەردى الدىن-الا قورشاپ العان. ازا تۇتۋ راسىمىنە قازا بولعانداردىڭ تۋىستارى مەن قايعىلى وقيعا بولعان كۇنى سول جەردە جۇمىس ىستەگەن دارىگەرلەر, قۇتقارۋشىلار مەن پوليتسيا قىزمەتكەرلەرى قاتىستى.
سونداي-اق راسىمگە اقش ۆيتسە-پرەزيدەنتى كامالا حارريس تە قاتىستى. ال امەريكاندىق كوشباسشى دجو بايدەن ءىس-شاراعا بيىل قاتىسپادى.
ەسكە سالا كەتسەك, وسىدان 21 جىل بۇرىن ۆاشينگتوننان لوس-اندجەلەسكە ۇشقان ءتورت جولاۋشىلار ۇشاعىنىڭ بىرەۋىن تەرروريستەر باسىپ العان. وسىلايشا, American Airlines اۆياكومپانياسىنىڭ Boeing 757 ۇشاعى قورعانىس مينيسترلىگىنىڭ عيماراتىنا سوعىلىپ, 2977 ادام قايتىس بولعان.