نۇر-سۇلتان قالاسىنىڭ اكىمى التاي كولگىنوۆ ءوزىنىڭ Instagram-داعى پاراقشاسىندا قالا تۇرعىندارىنىڭ ازاماتتاردى جەكە قابىلداۋ كەزىندە قانداي سۇراقتار قويعانىن ايتتى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ء«بىز اپتا سايىن ازاماتتاردى قابىلداۋدى جالعاستىرامىز. قالالىقتاردان كەلىپ تۇسەتىن ماسەلەلەردىڭ ماڭىزدى بولىگى - تۇرعىن ءۇي. مەملەكەت باسشىسىنىڭ تاپسىرماسى بويىنشا جەڭىلدەتىلگەن قولجەتىمدى تۇرعىن ءۇي سالۋدى جالعاستىرامىز, جاستارعا ارنالعان ارنايى تۇرعىن ءۇي باعدارلاماسىن ىسكە قوستىق, تۇرعىن ءۇي سەرتيفيكاتتارىنىڭ سوماسىن ۇلعايتتىق, تۇرعىن ءۇي باعدارلامالارىنا قاتىسۋشىلاردىڭ ساناتىن كەڭەيتتىك جانە ت. ب. », دەپ جازدى التاي كولگىنوۆ.
اكىمنىڭ ايتۋىنشا, قالادا 200-دەن استام اپاتتىق ءۇي بار. سوڭعى ءۇش جىلدا اپاتتى ۇيلەردەن 700-گە جۋىق وتباسى كوشىرىلدى. بيىل تاعى 300-دەن استام وتباسىن كوشىرۋدى جوسپارلاپ وتىرمىز. ەلوردا دامۋ باعدارلاماسىنىڭ باستالۋىنان باستاپ اپاتتى ۇيلەردەن 4 مىڭ 200 وتباسى كوشىرىلدى.
«سونىمەن قاتار, تۇرعىن ءۇي كەشەنىن جوندەۋ جانە ليفتىلەردى اۋىستىرۋ بويىنشا جۇمىستاردى جۇرگىزەمىز. مىسالى, ازاماتتاردىڭ قابىلداۋىندا تۇرعىندار ليفتىلەردى اۋىستىرۋ ماسەلەسى بويىنشا جۇگىندى (كۇيشى دينا كوشەسى, الماتى اۋدانى). ۇيدەگى ليفتىلەردىڭ ءبىر بولىگى اۋىستىرىلدى, باسقالارى بويىنشا جۇمىستار جۇرگىزىلىپ جاتىر. بۇعان دەيىن ءبىز 80 ءليفتىنى جاڭارتتىق, بيىل تاعى 40 ءليفتىنى جاڭارتۋدى جوسپارلاپ وتىرمىز. كەلەسى جىلى 30 ليفت اۋىستىرىلادى دەپ جوسپارلانىپ وتىر», دەپ جازدى ەلوردا اكىمى.