جامبىل وبلىسىندا ءىرى جول اپاتىنان ءتورت ادام قازا تاپتى, دەپ حابارلايدى Egemen.kz.
جامبىل وبلىسى ءىىد ءباسپاسوز قىزمەتىنىڭ مالىمەتىنشە, 10 قىركۇيەكتە الماتى-تاشكەنت جولىنىڭ 219-شاقىرىمىندا جول اپاتى بولدى.
«تۇستەن كەيىن ساعات 14:30 شاماسىندا «فولكسۆاگەن پاسسات» كولىگىنىڭ 26 جاستاعى جۇرگىزۋشىسى قورداي اۋىلى باعىتىنان ءالجان انا اۋىلى باعىتىندا كەلە جاتقان. سالوندا ءتورت جولاۋشى بولعان. ءرۋلدى باسقارا الماعان جۇرگىزۋشى ينەرتسيا سالدارىنان اعاشقا سوعىلدى. وقيعا سالدارىنان 26 جاستاعى جۇرگىزۋشى مەن Volkswagen Passat كولىگىنىڭ ءۇش جولاۋشىسى العان جاراقاتتارىنان وقيعا ورنىندا كوز جۇمدى», دەپ ءتۇسىندىردى قۇقىق قورعاۋ ورگانىنىڭ ءباسپاسوز قىزمەتى.
ءتۇرلى دەنە جاراقاتتارىمەن تاعى ءبىر جولاۋشى قورداي اۋىلىنداعى ورتالىق اۋداندىق اۋرۋحاناعا جەتكىزىلدى.
اتالعان فاكتى بويىنشا قر قىلمىستىق كودەكسىنىڭ 345-بابىنىڭ 4-بولىگى بويىنشا سوتقا دەيىنگى تەرگەۋ باستالدى. بىرقاتار قاجەتتى ساراپتاما تاعايىندالدى.