قازاقستان ۇلتتىق قۇراماسى بىرىككەن اراب امىرلىكتەرى كومانداسىمەن جولداستىق كەزدەسۋ وتكىزەدى, دەپ حابارلايدى Egemen.kz قازاقستان فۋتبول فەدەراتسياسىنا سىلتەمە جاساپ.
19 قاراشا كۇنى ابۋ-دابي قالاسىندا وتەدى. ناقتى ۋاقىتى مەن ستاديونى ازىرگە بەلگىسىز.
ايتا كەتەيىك, بىرىككەن اراب امىرلىكتەرى فيفا رەيتينگىندە 69-ورىندا ورنالاسقان. بۇل كوماندانىڭ قاتاردا وتەتىن الەم چەمپيوناتىنا شىعۋىنا مۇمكىندىك بولعان ەدى. دەگەنمەن سوڭعى شەشۋشى ويىنىندا اۋسترالياعا 1:2 ەسەبىمەن جول بەردى.
كوماندانىڭ ەڭ جوعارى جەتىستىگى – 1990 جىلعى الەم چەمپيوناتىنا قاتىسقانى جانە 1997 جىلى ازيا كۋبوگىنىڭ كۇمىس جۇلدەسى.
بۇعان دەيىن قازاقستان جانە ءباا ءوزارا ءۇش رەت كەزدەسكەن.