كونكۋرستىق راسىمدەردىڭ ناتيجەلەرى بويىنشا اباي وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسى لاۋازىمىنا دانيار توقتىباەۆ تاعايىندالدى, دەپ حابارلايدى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ.
دانيار جاعىپار ۇلى 1976 جىلى پاۆلودار وبلىسى كراسنوكۋتسك كەنتىندە دۇنيەگە كەلگەن. د. سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتىن جانە قازاقستان-امەريكاندىق ەركىن ۋنيۆەرسيتەتىن بىتىرگەن.
جۇمىستى شىعىس قازاقستان وبلىسى كۇرشىم اۋدانى اكىمى اپپاراتىنىڭ قۇرىلىس, ساۋلەت, تكش جانە جولداردى دامىتۋ ءبولىمىنىڭ مامانى بولىپ باستاعان.
ءار جىلدارى شقو ساۋلەت-قۇرىلىس باقىلاۋ باسقارماسىندا, شقو قۇرىلىس باسقارماسىندا, شقو تابيعي رەسۋرستار جانە تابيعات پايدالانۋدى رەتتەۋ باسقارماسىندا باسشىلىق قىزمەتتەر اتقارعان.