كەشە باس اسسامبلەيانىڭ ماقۇلداۋىنان كەيىن بىرىككەن ۇلتتار ۇيىمىنىڭ ادام قۇقىقتارى جونىندەگى جوعارى كوميسسارى بولىپ اۆستريادان كەلگەن فولكەر تيۋرك تاعايىندالدى, دەپ حابارلايدى Egemen.kz UN News سايتىنا سىلتەمە جاساپ.
«فولكەر تيۋرك ءوزىنىڭ ۇزاق جانە كورنەكتى مانسابىن امبەباپ ادام قۇقىقتارىن ىلگەرىلەتۋگە, اتاپ ايتقاندا الەمدەگى ەڭ وسال ادامداردى – بوسقىندار مەن ازاماتتىعى جوق ادامداردى حالىقارالىق دەڭگەيدە قورعاۋعا ارنادى», دەدى بۇۇ باسشىسى.
ازىرگە تيۋرك بۇۇ حاتشىسىنىڭ ساياسات جونىندەگى ورىنباسارى قىزمەتىن اتقارادى.
ف. تيۋرك 2018 جىلدىڭ 1 قىركۇيەگى مەن 2022 جىلدىڭ 31 تامىزى ارالىعىندا جوعارى كوميسسار قىزمەتىن اتقارعان چيليلىك ميشەل باچەلەتتىڭ ورنىنا كەلەدى.