پاۆلودار وبلىسىنىڭ 53 جاستاعى تۇرعىنى پوليتسياعا الاياقتىق جاسالعانى تۋرالى ارىزبەن جۇگىنگەن. ونىڭ ايتۋى بويىنشا, ۇيالى تەلەفونىنا بەلگىسىز بىرەۋ قوڭىراۋ شالىپ, ءوزىن بەلگىلى ءىرى كومپانيالاردىڭ ءبىرىنىڭ مەنەدجەرى رەتىندە تانىستىرعان, دەپ حابارلايدى Egemen.kz.
ينۆەستيتسيالىق كەڭەسشى كەيپىنە ەنگەن الاياق تەلەفون ارقىلى قور نارىعىنداعى وتە ءتيىمدى ۇسىنىستار تۋرالى ايتقان. سودان جوعارى قوسىمشا تابىس الۋ ءۇشىن قاراجات اۋدارۋدى ۇسىندى. جەڭىل جولمەن اقشا تابۋدى كوزدەگەن ەر ادام الاياققا نەسيەگە العان 12 ميلليون تەڭگەدەن استام اقشانى اۋدارعان. الايدا, ينۆەستيتسيا الۋعا تىرىسقاندا, كومپانيا مەنەدجەرى بيرجا جابىلدى دەپ جاۋاپ بەرگەن.
قازىرگى تاڭدا اتالعان فاكتى بويىنشا قر قىلمىستىق كودەكسىنىڭ 190-بابى بويىنشا سوتقا دەيىنگى تەرگەۋ باستالدى.
قىلمىسقا قاتىسى بار تۇلعالاردى انىقتاۋ ماقساتىندا جەدەل-ىزدەستىرۋ شارالارى جۇرگىزىلۋدە.