كحدر باسشىسى كيم چەن ىن پحەنيانداعى 14-ءشى كحدر جوعارعى حالىق جينالىسىنىڭ جەتىنشى سەسسياسىندا سويلەگەن سوزىندە اقش سولتۇستىك كورەياداعى رەجيمدى قۇلاتقىسى كەلەتىنىن مالىمدەدى, دەپ حابارلايدى Egemen.kz رەنحاپ اگەنتتىگىنە سىلتەمە جاساپ.
7 قىركۇيەكتە كحدر جوعارعى حالىق جينالىسىنىڭ 14-ءشى شاقىرىلىمىنىڭ جەتىنشى سەسسياسى ءوتتى. وندا كيم چەن ىن اقش-تىڭ ساياسي پوزيتسياسى جونىندە پىكىر ءبىلدىرىپ, كحدر ءجۇز جىلدىق سانكتسيالارعا تاپ بولسا دا, يادرولىق قارۋدان باس تارتپايتىنىن مالىمدەدى.
«اقش-تىڭ ماقساتى - ءبىزدىڭ يادرولىق قارۋىمىزدى جويۋ عانا ەمەس, سايىپ كەلگەندە, ءبىزدىڭ يادرولىق كۇشىمىزدى جويۋ, ءوز-ءوزىمىزدى قورعاۋ قۇقىعىنان باس تارتۋعا ماجبۇرلەۋ, كەز-كەلگەن ۋاقىتتا رەجيمىمىزدى قۇلاتۋ ءۇشىن ءبىزدى السىرەتۋ», دەدى ول.