قازاقستان پرەزيدەنتىنىڭ 1 قىركۇيەكتەگى جولداۋىنا كۋا بولدىق. وسى جىلدىڭ ناۋرىز ايىنداعى جولداۋدا ايتىلعان باسىم باعىتتار جۇزەگە اسىرىلدى دەپ ايتۋعا بولادى. ونىڭ ءبىرى – كونستيتۋتسياعا ەنگىزىلگەن وزگەرىستەردىڭ جالپىحالىقتىق رەفەرەندۋم ارقىلى قابىلدانۋى. ال ەڭ ماڭىزدىسى – وزگەرىستەر مەن تولىقتىرۋلاردىڭ حالىق تاراپىنان قولداۋ تاپقانى.
بەلارۋس حالقى دا بيىل وسىنداي ساياسي ناۋقاندى ەڭسەردى. ەل كونستيتۋتسياسىنا بىرقاتار وزگەرىس ەنگىزىلدى. سوندىقتان ءبىز مۇنداي ساياسي رەفورمانىڭ ءمانى مەن ماڭىزىن, جاۋاپكەرشىلىگى مەن جۇگىن جاقسى ءتۇسىنىپ وتىرمىز. قازاقستان پرەزيدەنتىنىڭ كەزەكتى جولداۋى وسى كەزەڭنىڭ جالعاسى ىسپەتتەس. ءبىز جولداۋدىڭ اۋقىمىن كورىپ وتىرمىز, ءبىر عانا الەۋمەتتىك-ەكونوميكالىق سالانىڭ حالىق يگىلىگىنە باعىتتالعان قانشاما ماسەلەسىن قامتىدى. بيزنەس سالاسىن دامىتۋدا ۇلتتىق مۇددەمەن بالانسى قاراستىرىلعان. جاستاردان باستاپ, ءاربىر توپتىڭ الەۋمەتتىك جاعدايى, بيلىك پەن كاسىپكەرلىكتىڭ اراسىنداعى بايلانىستىڭ تيىمدىلىگى, ەكونوميكانى دامىتۋدا سالىق كودەكسىن قايتا قاراۋ, ينۆەستيتسيا تارتۋداعى ماسەلەلەر – بارلىعى تولىقتاي ەل يگىلىگىنە ورايلاستىرىلعان.
قازاقستان مەن بەلارۋس اراسىندا كوپتەگەن ءىرى جوبا جۇزەگە اسىرىلىپ كەلەدى. جولداۋدا ايتىلعان باسىمدىقتار ەكى ەل اراسىنداعى بايلانىستى ودان ءارى كەڭەيتىپ, ىنتىماقتاستىقتى نىعايتا تۇسپەك. دەنساۋلىق ساقتاۋ, ءبىلىم سالاسىنداعى ءىس-شارالار تەك رەسپۋبليكا كولەمىندە ەمەس, اۋىلدىق جەرلەردە دە ىسكە اسادى دەپ جوسپارلاپ وتىرمىز. بۇل دا ىنتىماقتاستىعىمىزدى ودان ءارى ارتتىرۋعا تىڭ سەرپىن بەرەرىنە سەنىمدىمىن.
ينفوگرافيكانى جاساعان امانگەلدى قياس, «ەQ»
پاۆەل ۋتيۋپين,
بەلارۋس رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى