ءماجىلىس ەكىنشى وقىلىمدا «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭدى جاڭا رەداكتسيادا, ىلەسپە تۇزەتۋلەرمەن قابىلدادى. قۇجاتتار مەملەكەت باسشىسىنىڭ مەملەكەتتىك قىزمەت جۇيەسىن ودان ءارى جەتىلدىرۋ جونىندەگى تاپسىرمالارىن ورىنداۋ ماقساتىندا ازىرلەنگەن, دەپ جازادى Egemen.kz.
زاڭدا مەملەكەتتىك قىزمەتشىلەرگە جانە ولاردىڭ لاۋازىمدىق مىندەتتەرىنە قويىلاتىن تالاپتار ايقىندالدى. ولاردىڭ ىشىندە پاتريوتيزم, كاسىبيلىك, اشىقتىق, ادەپتىلىك, ءمىنسىز بەدەل جانە قۇقىق بۇزۋشىلىقتار مەن مۇددەلەر قاقتىعىسىنا توزبەۋشىلىك قامتىلادى. بۇدان باسقا, مەملەكەتتىك اپپاراتتى كاسىبيلەندىرۋ كوزدەلەدى. ول ءۇشىن مەملەكەتتىك قىزمەتكە تۇسۋگە دايىندىق ينستيتۋتى ەنگىزىلەدى. HR-پروتسەستەردى تسيفرلاندىرۋ ءۇشىن ۇمىتكەرلەردى تولىعىمەن تسيفرلىق فورماتتا «ە-قىزمەت» اقپاراتتىق جۇيەسى ارقىلى ىرىكتەۋ جوسپارلانعان.
مەملەكەتتىك قىزمەتكە ىرىكتەۋ: 1 ساۋىردەن باستاپ وتىنىشتەر ونلاين قابىلدانادى
بۇل رەتتە جاڭارعان زاڭدا مەملەكەتتىك قىزمەتتىڭ تارتىمدىلىعىن ارتتىرۋ, بىلىكتى كادرلاردى تارتۋعا جانە ۇستاپ قالۋعا باعىتتالعان نورمالار كوزدەلگەن. وسىلايشا, ءۇش جىلدا كەمىندە ءبىر رەت جالاقىنى يندەكستەۋ تەتىگى بەلگىلەنەدى. ۇستەمە جۇمىس ۋاقىتىندا, دەمالىس جانە مەرەكە كۇندەرى جۇمىس ىستەگەنى ءۇشىن وتەماقى تولەۋ, جەڭىلدەتىلگەن تۇرعىن ءۇي باعدارلامالارىنا قاتىسۋ ءۇشىن جاعداي جاساۋ جانە باسقا دا شارالار قاراستىرىلعان. جۇمىس ۋاقىتىنىڭ رەجيمى دە رەتتەلەدى. اتاپ ايتقاندا, قالىپتى جۇمىس ۇزاقتىعى اپتاسىنا 40 ساعاتتان اسپاۋى كەرەك, ال كەي ساناتتاعى قىزمەتشىلەر ءۇشىن جۇمىس ۋاقىتى قىسقارادى.
جي جانە مەملەكەتتىك قىزمەتتەر: AlemGPT سەرۆيسىنىڭ مۇمكىندىكتەرى قانداي؟