مەملەكەت باسشىسى كورەيا رەسپۋبليكاسى پرەزيدەنتىنىڭ ارناۋلى وكىلى – پرەزيدەنت اكىمشىلىگىنىڭ باسشىسى كان حۋن شيكتى قابىلدادى, دەپ حابارلايدى Egemen.kz.
مەملەكەت باسشىسى كورەيا رەسپۋبليكاسى قازاقستاننىڭ نەگىزگى ستراتەگيالىق سەرىكتەستەرىنىڭ ءبىرى سانالاتىنىنا نازار اۋدارىپ, ەكىجاقتى ىقپالداستىق قارقىنىنا جوعارى باعا بەردى.
پرەزيدەنت قازاقستاننىڭ كورەي حالقىنا جانە كورەيا رەسپۋبليكاسىنىڭ دامۋ دەڭگەيىنە قۇرمەتپەن قارايتىنىن اتاپ ءوتىپ, استانا ەكى ەل اراسىنداعى كەڭەيتىلگەن ستراتەگيالىق سەرىكتەستىكتى ودان ءارى نىعايتۋعا نيەتتى ەكەنىن راستادى.
مەملەكەت باسشىسى ۆەتنام پرەزيدەنتى تو لامعا قۇتتىقتاۋ جەدەلحاتىن جولدادى
قاسىم-جومارت توقاەۆ كان حۋن شيكتىڭ ارناۋلى وكىل رەتىندە ەلىمىزگە جاساعان ساپارىنىڭ ماڭىزدىلىعىنا توقتالدى جانە كورەيا رەسپۋبليكاسىنىڭ پرەزيدەنتى لي چجە ميوڭگە ىستىق لەبىزىن جولدادى.
ء«سىزدىڭ ساپارىڭىز قازاق-كورەي ىقپالداستىعىن ودان ءارى نىعايتۋ تۇرعىسىنان وتە ماڭىزدى. بىرلەسكەن كۇش-جىگەردىڭ ارقاسىندا ەلدەرىمىزدىڭ ىنتىماقتاستىعى ارتا تۇسەتىنىنە سەنىمدىمىن», دەدى مەملەكەت باسشىسى.