ءدال وسى سۇراققا وڭىرلىك كوممۋنيكاتسيالار قىزمەتىندە وتكەن بريفينگ كەزىندە قوستاناي وبلىستىق ۆەتەريناريا باسقارماسىنىڭ باسشىسى اقات شەكتىباەۆ جاۋاپ بەردى, دەپ حابارلايدى Egemen.kz.
«اۋليەكول جانە قاراسۋ اۋدانىندا بولعان ءورت سالدارىنان جالپى ەسەبى 38 باس ءىرى قارا, 2 قوي, 222 شوشقا, 712 ءارتۇرلى ءۇي قۇستارى ورتەنىپ كەتكەن. قازىر ءۇي جانۋارلارىنىڭ قۇجاتتارى جينالىپ جاتىر. ۆەتستانساداعى ماماندار قانداي انىقتامالار, قۇجاتتار كەرەك ەكەنىن تۇرعىندارعا ءتۇسىندىرىپ وتىرادى. ءبىزدىڭ ماماندار ورتەنگەن ۇيلەر مەن قورالارعا قوجايىندارمەن بىرگە بارىپ, ورتەنىپ كەتكەن ءۇي جانۋارلارىنىڭ سانى مەن مالىمەتتەرىن ارنايى كوميسسياعا وتكىزۋدە. مىسالى, ءورت كەزىندە جىراققا قاشىپ كەتكەن ءۇي جانۋارلارى بولۋى مۇمكىن. ولاردىڭ دا ەسەبىن ەسكەرۋ كەرەك», دەدى اقات بالعوجا ۇلى.