ەلوردالىق «بارىس» پودولسكىنىڭ «ۆيتيازىمەن» سىرت الاڭدا وينادى. قحل ماۋسىمى باستالعاننان بەرى قازاقستاندىق حوككەيشىلەر ءۇشىنشى رەت جەڭىلىس تاپتى, دەپ حابارلايدى Egemen.kz كلۋبتىڭ رەسمي سايتىنا سىلتەمە جاساپ.
«بارىس» ءۇشىنشى ماتچتا «ۆيتيازعا» 0:5 ەسەبىمەن ەسە جىبەردى.
بۇل جولى يۋري سەرگيەنكو مەن ۆلاديسلاۆ سەميننىڭ ورنىنا رەسمي كەزدەسۋلەردە جاقىندا عانا دەبيۋت جاساعان ەگور شالاپوۆ پەن ماكسيم مينەەۆ مۇز الاڭعا شىقتى. العاشقى مينۋتتاردان باستاپ قاقپادا نيكيتا بوياركين پايدا بولدى.
«باستاپقى كەزەڭدە قازاقستاندىقتاردىڭ قاقپاعا شايبا سوعۋعا مۇمكىندىگى بولعان. الايدا الاڭ يەلەرى باسىمدىق تانىتتى. ەكىنشى كەزەڭ وزگەرىسسىز وتسە دە, ۇزىلىسكە 23 سەكۋند قالعاندا سكوتت ۋيلسون شايبانى وتكىر بۇرىشتان لاقتىرىپ, گول سوقتى. سوڭعى ءۇشىنشى كەزەڭدە ستەپان ستاركوۆ, ۆلاديسلاۆ كارا جانە دجەرەمي روي جاقسى ونەر كورسەتتى. ال اندرەي سكابەلكانىڭ شاكىرتتەرى قارسىلاستىڭ قاقپاسىن اشا المادى», دەلىنگەن حابارلامادا.
9 قىركۇيەكتە «بارىس» «سوچيمەن» كەزدەسۋدە ماۋسىمنىڭ العاشقى كوشپەلى سەرياسىن جابادى.