اقتاۋ تەڭىز ساۋدا پورتىنان قازاقستاندىق كونتەينەرلىك جۇك تاسىمالدايتىن ەكىنشى كەمە «سۇڭقار» العاش رەت جولعا شىقتى. «قازاقتەڭىزكولىكفلوتى» ۇلتتىق تەڭىز كەمە قاتىناسى كومپانياسى» جاۋاپكەرشىلىگى شەكتەۋلى سەرىكتەستىگىنە تيەسىلى «سۇڭقار» كەمەسى وسى ۋاقىتقا دەيىن كومپانيانىڭ مامانداندىرىلعان فلوت قاتارىندا بولدى.
ماڭعىستاۋ وبلىستىق جولاۋشىلار كولىگى جانە اۆتوموبيل جولدارى باسقارماسى ماماندارىنىڭ ايتۋىنشا, ترانسكاسپي حالىقارالىق كولىك مارشرۋتىنداعى جانە جالپى الەمدەگى كونتەينەرلىك تاسىمالدارعا دەگەن قاجەتتىلىك پەن سۇرانىستىڭ جوعارى بولۋىنا بايلانىستى كەمە قايتا جاساقتالىپ, كونتەينەر تاسىمالدايتىن كەمە رەتىندە مودەرنيزاتسيالانعان.
«سۇڭقار» كەمەسىنىڭ العاشقى باعىتى – ازەربايجان رەسپۋبليكاسى باكۋ قالاسىنىڭ «اليات» پورتى. «قازاقتەڭىزكولىكفلوتى» ۇتكقك جشس كونتەينەرلىك كەمە رەتىندە العاش ساپارعا شىققان سۋ كولىگىن سالتاناتپەن شىعارىپ سالدى.
ماڭعىستاۋ وبلىسى