قاسىم-جومارت توقاەۆ ازياداعى ءوزارا ءىس-قيمىل جانە سەنىم شارالارى جونىندەگى كەڭەس حاتشىلىعىنىڭ قازىرگى قىزمەتىمەن جانە قازاقستاننىڭ وسى ۇيىمعا 2020-2022 جىلدارداعى توراعالىعىنىڭ قورىتىندىسىمەن تانىستى, دەپ حابارلايدى Egemen.kz اقورداعا سىلتەمە جاساپ.
اڭگىمەلەسۋ بارىسىندا 12-13 قازاندا ەلوردادا وتەتىن اوسشك-ءتىڭ VI سامميتىنە دايىندىق ماسەلەسىنە ەرەكشە نازار اۋدارىلدى.
اوسشك حاتشىلىعىنىڭ اتقارۋشى ديرەكتورى قايرات سارىباي مەملەكەت باسشىسىنا الداعى ءسامميتتىڭ قورىتىندى قۇجاتتارىنىڭ جوبالارىن كەلىسۋ ۇدەرىسى تۋرالى باياندادى.
سونىمەن قاتار پرەزيدەنتكە اوسشك-ءتى تولىققاندى حالىقارالىق ۇيىمعا اينالدىرۋ جوسپارى جونىندە مالىمەت بەرىلدى. بۇل ماڭىزدى مىندەتتى جۇزەگە اسىرۋ – قازاقستاننىڭ ستراتەگيالىق ماقساتى.
كەزدەسۋ سوڭىندا مەملەكەت باسشىسى الداعى ءسامميتتى جوعارى دەڭگەيدە ۇيىمداستىرۋ جانە اوسشك-تەگى ماقساتتار مەن مىندەتتەردى ءتيىمدى ىسكە اسىرۋ اسا ماڭىزدى ەكەنىن اتاپ ءوتتى.