قوستانايلىقتاردى قولدايدى

ورتالىق كوممۋنيكاتسيالار قىزمەتى الاڭىندا وتكەن بريفينگتە Amanat پارتياسىنىڭ مۇ­شە­لەرى قوستاناي جۇرتشىلىعىن قول­داۋ ماقساتىندا اتقارىلىپ جات­قان جۇمىستارعا توقتالدى. پار­تيا حاتشىسى داۋلەت كارىبەك ەل با­سىنا كۇن تۋعاندا بىرلىگىمىزدى تانى­تۋدىڭ ماڭىزى زور ەكەنىن ايتتى.

– قوستانايداعى جاعدايعا بارشا وتانداستار الاڭداپ وتىر. ەلىمىزدىڭ تۇكپىر-تۇكپىرىنەن حابارلاسىپ, قول ۇشىن سوزۋعا نيەت بىلدىرگەندەر كوپ. اۋليەكول اۋدانىنا قاراستى اۋليەكول اۋىلىنداعى «بولاشاق» ستاديونىندا ورنالاسقان گۋمانيتارلىق كومەكتى قابىلداۋ پۋنكتىنە Amanat-تىڭ العاشقى گۋمانيتارلىق كومەگى جەتتى. ازىق-ت ۇلىك ونىمدەرى, ءدارى-دارمەك, جەكە گيگيەنالىق زاتتارمەن قاتار, قۇرىلىس ماتەريالدارى دا بار. پارتيا حاتشىسى رينات كەرتاەۆ باستاعان دەپۋتاتتار اپات بولعان ايماققا ارنايى بارىپ, تۇرعىندارمەن كەزدەسىپ, پروبلەمالاردى شەشۋگە كىرىسىپ كەتتى. «جاستار رۋحى» جاستار قاناتىنىڭ ءار ايماقتاعى مۇشەلەرىنەن قۇ­رال­عان 1000-نان استام ۆولونتەر گۋ­ما­نيتارلىق كومەكتى ۇيىمداستىرۋعا جۇمىلدىرىلدى. ونىڭ ىشىندە 300 جاس زارداپ شەككەندەرگە كومەك كورسەتۋ جانە قالپىنا كەلتىرۋ جۇمىستارىنا قاتىسۋ ءۇشىن قوستاناي وبلىسىندا ءجۇر. پارتيا وكىلدەرى ءار تۇرعىن ءوز ۇيىنە كىرىپ, قالىپتى ومىرگە ورالعانشا ءتيىستى كومەك كورسەتۋدى جالعاستىراتىن بولادى, – دەدى داۋلەت كارىبەك.

پارتيا حاتشىسى رينات كەرتاەۆ وتانداستاردىڭ قولداۋىن كوزبەن كورىپ, سەزىنىپ, پاتريوت ازاماتتاردىڭ كوپ ەكەنىنە قۋانعانىن جەتكىزدى. «سىن ساعاتتا قوستانايلىقتارعا كومەكتەسۋ – پارىزىمىز. پارتيا توراعاسى ەرلان قوشانوۆتىڭ باستاماسىمەن بارلىق وڭىرلىك فيليالداردا پۋنكتتەر اشتىق. بارلىق پارتيالىقتار قولداۋ كورسەتتى. اۋليەكول اۋىلىنداعى «بولاشاق» ستاديونىندا ورنالاسقان گۋمانيتارلىق كومەكتى قابىلداۋ پۋنكتى ەكى كۇننىڭ ىشىندە تولدى. قوستاناي جۇرتى قولداۋ كورسەتىپ جاتقان وتانداستارىنا العىسىن بىلدىرۋدە. ءبىز ءوز تاراپىمىزدان زارداپ شەككەن وتباسىلاردىڭ مەكتەپ تابالدىرىعىن اتتاعان 34 وقۋشىسىنا قاجەتتى وقۋ قۇرالدارىن, كيىم-كەشەكتەردى سىيلاماقپىز. وزگە دە كومەكتەر ۇزدىكسىز كورسەتىلەدى», دەدى ول.

پارلامەنت ءماجىلىسىنىڭ دەپۋتاتى, Amanat پارتياسى فراك­تسيا­سىنىڭ مۇشەسى امانجول التاەۆ جەرگىلىكتى تۇرعىندار دا ءبىر جا­عادان باس, ءبىر جەڭنەن قول شىعا­رىپ, تاتۋلىقتارىن تانىتىپ جات­قانىن ايتتى. ماسەلەن, تەمىر حاميت ۇلى دەگەن ازامات ورتەن­گەن كولىكتەگى اۋىلداسىن قۇتقا­رامىن دەپ دەنەسىنىڭ 9 پايىزىن كۇيىك شالعان. ء«تىلسىز جاۋدى اۋىز­دىقتاۋدا كاسىبي شەبەرلىك­تەرىن كورسەتكەن توتەنشە جاعداي­لار قىزمەتىنىڭ ماماندارىنا, سار­بازدارعا العىسىمىزدى بىلدى­رە­مىز», دەدى ا.التاەۆ.

پارتيانىڭ قوستاناي وبلىستىق فيليالىنىڭ اتقارۋشى حاتشىسى بيبىگۇل اققوجينا بۇگىندە 21 گۋمانيتارلىق كومەكتى قابىلداۋ بەكەتى جۇمىس ىستەپ تۇرعانىن ايتتى. تاۋلىك بويى قابىلدايتىن پۋنكت تە بار. ول ءوز كەزەگىندە بارشا قوستانايلىقتاردىڭ اتىنان قيىن كەزەڭدە قولداۋ كورسەتىپ جاتقان قازاقستاندىقتارعا ريزاشىلىعىن ءبىلدىردى.

اmanat پارتياسى ورتالىق اپپاراتىنىڭ ۇجىمى قوستاناي وبلىسىنداعى تابيعي ورتتەردەن زارداپ شەككەن تۇرعىندارعا كومەك كورسەتۋ قورىنا ءبىر كۇندىك جالاقىسىن اۋداراتىنىن جەتكىزدى.