ءبىلىم بەرۋ سالاسىنداعى كۇردەلى ينۆەستيتسيالار 75%-عا ءوستى. قاراجاتتىڭ جارتىسىنان استامى تۇركىستان وبلىسىنا, شىمكەنت پەن الماتى قالالارىنا تيەسىلى بولدى, دەپ حابارلايدى Egemen.kz.
Finprom ساراپشىلارى 2022 جىلعى قاڭتار-شىلدەدە ءبىلىم بەرۋ سالاسىنداعى نەگىزگى كاپيتالعا ينۆەستيتسيالار 148,9 ملرد تەڭگەگە جەتكەنىن حابارلادى. اقشالاي ماندە بۇل ءبىر جىل بۇرىنعىعا قاراعاندا 79,2%-عا ارتىق. ناقتى كولەم ءوسىمى 74,8%-دى قۇرادى. ايتا كەتسەك, 2021 جىلدىڭ ۇقساس كەزەڭىندە سەكتوردا كۇردەلى سالىمدار 83,1 ملرد تەڭگەنى قۇرادى, بۇل جىلىنا مينۋس 18%.
وڭىرلىك بولىنىستە ينۆەستيتسيالاردىڭ ەڭ كوپ كولەمى الماتىعا تيەسىلى - 46 ملرد تەڭگە نەمەسە 30,9%, جىلدىق ءوسىم - 2,3 ەسە.
ۇزىك ۇشتىكتىڭ قۇرامىنا تۇركىستان وبلىسى (19,3 ملرد تگ, وعان قوسا جىلىنا 60,8%) جانە شىمكەنت (19 ملرد تگ, جىلدىق ءوسىم - 2,8 ەسە) كىردى. كوشباسشى وڭىرلەردىڭ ۇشتىگىنە سەكتورداعى بارلىق كۇردەلى سالىمداردىڭ 56,6%-ى تيەسىلى بولدى.
ء«بىلىم بەرۋ سالاسىنداعى كۇردەلى سالىمداردىڭ 63,8%-ى جەرگىلىكتى بيۋدجەتتەر ەسەبىنەن قامتاماسىز ەتىلدى: 95 ملرد تەڭگە - ءبىر جىل بۇرىنعىعا قاراعاندا بىردەن 76,2%-عا ارتىق. كاسىپورىنداردىڭ ءوز قاراجاتى ەسەبىنەن 30,8 ملرد تەڭگە سالىندى, جىلدىق ءوسىم - 2,1 ەسە. رەسپۋبليكالىق بيۋدجەتتەن 15,5 ملرد تەڭگە ءبولىندى. بانك نەسيەلەرىنە 6,4 ملرد تەڭگە, بانكتىك ەمەس قارىز قاراجاتتارىنا – 1,1 ملرد تەڭگە بولدى», دەيدى ساراپشىلار.
بيىل ينۆەستيتسيالار كولەمىنىڭ ايتارلىقتاي وسۋىنە قاراماستان, ەلدەگى بىرقاتار مەكتەپتەر جاڭا وقۋ جىلىنا دايىن بولمادى. ماسەلەن, پاۆلوداردا 46 وقۋ ورنىنىڭ 11-ىندە عانا جوندەۋ جۇمىستارى اياقتالدى. وقۋشىلار بوياۋدىڭ, شاڭنىڭ يىسىنە شاعىمدانادى.