قارجىلىق مونيتورينگ اگەنتتىگىنىڭ نۇر-سۇلتان قالاسى بويىنشا دەپارتامەنتى زاڭسىز «پوكەر» ويىنىن ۇيىمداستىرۋ فاكتىسىن انىقتادى, دەپ حابارلايدى Egemen.kz.
ەلوردا تۇرعىنى زاڭسىز ماتەريالدىق پايدا تابۋ ماقساتىندا تۇرعىن ءۇيدىڭ جەرتولەسىنەن زاڭسىز ويىن مەكەمەسىن اشىپ, قولما-قول اقشاعا فيشكا ساتۋ جانە الۋ ارقىلى قۇمار ويىنىن وتكىزگەن.
قازىر تەرگەۋ امالدارى ءجۇرىپ جاتىر. بۇل ازامات 4 جىلدان 7 جىلعا دەيىن باس بوستاندىعىنان ايىرىلۋى مۇمكىن.
2022 جىلدىڭ 7 ايىندا قما 82 ويىن مەكەمەسىنىڭ, ونىڭ ىشىندە 4 استىرتىن كازينونىڭ قىزمەتىن توقتاتتى.
ويىن اۆتوماتتارى, تەرمينالدار, پوكەر ۇستەلدەرى, رۋلەتكا ۇستەلدەرى, كومپيۋتەر, ۇيالى تەلەفون سياقتى 3 مىڭعا جۋىق زات, سونداي-اق 5 ملن تەڭگەدەن استام سوماعا قاراجات تۇرىندەگى ايعاقتار تاركىلەندى.