مەملەكەت باسشىسى قاسىم-جومارت توقاەۆ جەتىنشى سايلانعان پارلامەنتتىڭ ءۇشىنشى سەسسياسىندا قازاقستان حالقىنا كەزەكتى جولداۋىن جاريالادى.
ەل پرەزيدەنتى «جايلى مەكتەپ» ۇلتتىق جوباسى قولعا الىناتىنىن, 2025 جىلعا دەيىن 800 مىڭ بالانىڭ زاماناۋي مەكتەپتە وقۋىنا جاعداي جاسالاتىنىن جەتكىزدى. «وسىلايشا, اپاتتى جاعدايداعى جانە ءۇش اۋىسىممەن وقيتىن مەكتەپ ماسەلەسىن تولىق شەشەمىز. بۇل اۋىل جانە قالا مەكتەپتەرىنىڭ ايىرماشىلىعىن ەداۋىر ازايتادى. جالپى, مەكتەپ سالۋ ۇكىمەت جانە اكىمدىكتەر ءۇشىن باستى مىندەتتىڭ ءبىرى بولۋى كەرەك», دەدى مەملەكەت باسشىسى.
كەلەسى جىلدان باستاپ ۇلتتىق قوردىڭ جىلدىق ينۆەستيتسيالىق تابىسىنىڭ تەڭ جارتىسى 18-گە تولماعان قازاقستاندىقتاردىڭ جەكە شوتتارىنا اۋدارىلادى. پرەزيدەنت بۇل قاراجاتتى 18-گە تولعان ازاماتتار قالاي جۇمساي الاتىنىن دا ايتىپ ءوتتى. «كامەلەتكە تولعاننان كەيىن جيناقتالعان سوما باسپانا مەن ءبىلىم الۋعا جۇمسالادى. بۇل قاراجات وسكەلەڭ ۇرپاققا ەرەسەك ومىرگە ناعىز جولداما بەرەدى. قور دا شىن مانىندە, ۇلتتىق مارتەبەسىنە ساي بولا تۇسەدى جانە حالىقتىڭ مۇددەسىنە جۇمىس ىستەيدى. بۇل اۋقىمدى باستامانى پىسىقتاۋ ءۇشىن جاڭا جوبانى 2024 جىلدىڭ 1 قاڭتارىنان باستاپ ىسكە قوسۋدى تاپسىرامىن», دەدى پرەزيدەنت.
جولداۋدىڭ نەگىزگى بولىگى ەلىمىزدىڭ الەۋمەتتىك-ەكونوميكالىق دامۋىنا ارنالدى. ساپاسىنىڭ ارتۋىنا قاراي, وتاندىق جوعارى وقۋ ورىندارىنداعى ءبىلىم الۋ اقىسى دا وسەتىندىگىن اتاپ ءوتتى.
ەندەشە, مەملەكەت باسشىمىز ايتقانداي, «بىرلىگىمىزدى بەكەمدەپ, ەل ءۇشىن ەڭبەك ەتەيىك!».
رۋسلان حامزا,
مەملەكەتتىك رامىزدەردى ناسيحاتتاۋ جونىندەگى ۇلتتىق ورتالىعىنىڭ اتقارۋشى ديرەكتورى
اتىراۋ