بۇل تۋرالى قاسىم-جومارت توقاەۆ پارلامەنت پالاتالارىنىڭ بىرلەسكەن وتىرىسىندا ايتتى, دەپ حابارلايدى Egemen.kz.
«بيىل ءبىز جاڭا كەزەڭگە قادام باستىق. حالقىمىز جالپىۇلتتىق رەفەرەندۋمدا ساياسي جاڭعىرۋ باعدارىن قولدادى. كونستيتۋتسيالىق رەفورما جاڭا, ادىلەتتى قازاقستاندى قۇرۋ جولىنداعى اسا ماڭىزدى قادام بولدى. ەلىمىزدەگى ساياسي جاڭعىرۋ ەندى ەكونوميكالىق وزگەرىستەرگە ۇلاسۋعا ءتيىس.ءبىز «ازامات – بيزنەس – مەملەكەت» اراسىنداعى قاتىناستى تۇبەگەيلى وزگەرتەمىز, دەدى مەملەكەت باسشىسى.
سونداي-اق پرەزيدەنت مەملەكەت, ەڭ الدىمەن, بارىنە بىردەي مۇمكىندىك بەرىپ, ادىلدىك ورناتاتىنىن ايتتى.
«قوعام يگىلىگىنە ارنالعان قىزمەت دەڭگەيى جوعارى بولۋىنا كەپىلدىك بەرەدى. الەۋمەتتىك جاعىنان ءالسىز توپتارعا قولداۋ كورسەتەمىز. مۇمكىندىگى شەكتەۋلى جاندارعا دا كومەكتەسەمىز. پرەزيدەنت جانىنداعى امبۋدسمەن تاعايىندالادى. مەملەكەت ەكونوميكالىق ەركىندىكتى قولدايدى. بىراق حالىقتى نارىق تۇراقسىزدىعىنىڭ ىقپالىنان بارىنشا قولدايدى. شاعىن جانە ورتا بيزنەستى مەيىلىنشە دامىتادى», دەدى مەملەكەت باسشىسى.