ادىلەتتى قازاقستاندى قۇرۋدا مەكتەپ مۇعالىمدەرىنىڭ شەشۋشى ءرول اتقاراتىنىنا تەرەڭ سەنىمدىمىن. بۇل تۋرالى مەملەكەت باسشىسى قازاقستان حالقىنا جولداۋىندا ايتتى, دەپ حابارلايدى Egemen.kz.
«ادىلەتتى قازاقستاندى قۇرۋدا مەكتەپ مۇعالىمدەرىنىڭ شەشۋشى ءرول اتقاراتىنىنا تەرەڭ سەنىمدىمىن. سوڭعى جىلدارى بۇل ماماندىقتىڭ تارتىمدىلىعىن ارتتىرۋ ماقساتىندا مەملەكەت تاراپىنان اۋقىمدى جۇمىستار اتقارىلۋدا. دەگەنمەن, بۇل باعىتتا ءالى دە وڭ وزگەرىستەر قاجەت», دەدى مەملەكەت باسشىسى.
سونداي-اق مەملەكەت باسشىسى پەداگوگيكالىق جوعارى وقۋ ورىندارىن اككرەديتتەۋدىڭ جاڭا ستاندارتىن قابىلداپ, مۇعالىمدەردىڭ قۇزىرەتتىلىك شەڭبەرىن ازىرلەۋ قاجەتتىگىن اتاپ ءوتتى.
«جاھاندىق عىلىمي-تەحنيكالىق پروگرەستى ەسكەرە وتىرىپ, ورتا مەكتەپتە جاراتىلىستانۋ-ماتەماتيكا پاندەرىن جانە اعىلشىن ءتىلىن وقىتۋدى كۇشەيتۋ ماڭىزدى», دەدى ق.توقاەۆ.