سوڭعى جىلدارى تەحنولوگيالار شاپشاڭ دامىپ جاتىر. مۇنى, اسىرەسە اقپارات جەتكىزۋدىڭ جاڭا ادىستەرىنىڭ ەنگىزىلۋىنەن انىق بايقاۋعا بولادى.
«قازتەلەراديو» اكتسيونەرلىك قوعامىنىڭ جاڭا زامانعا ساي تەحنيكالىق شەشىمدەرىمەن 2018 جىلدان باستاپ انالوگتى تەلەۆيزيانى ءوشىرىپ, تسيفرلىق ەفيرلىك حابار تاراتۋعا كەزەڭ-كەزەڭىمەن كوشۋ باستالدى. بۇگىندە جوعارى ساپالى كەسكىن جانە دىبىس بەرەتىن سيگنالدار ماڭعىستاۋ, تۇركىستان, سولتۇستىك قازاقستان, قاراعاندى, الماتى, جەتىسۋ, پاۆلودار, قوستاناي وبلىستارىنىڭ, سونداي-اق ەلوردا تۇرعىندارى مەن قوناقتارىنا, الماتى جانە شىمكەنت قالالارىنىڭ كورەرمەندەرىنە قولجەتىمدى. رەسپۋبليكا اۋماعىنىڭ 92,43%-ى تسەتۆ-مەن قامتىلعان.
تسيفلىق ەفيرلىك تەلەۆيزيا دەگەنىمىز نە؟ قاراپايىم سوزبەن تۇسىندىرەتىن بولساق, بۇل – سيگنالدى جەتكىزۋدىڭ جاڭا تەحنولوگياسىنا كوشۋ. انالوگتى سيگنال اۋىلدىق جەرلەرگە تەك 2-3 ارنانى جەتكىزەتىن, ءارى اۋا رايى قۇبىلىستارىنا ءتوزىمسىز بولاتىن, سونىڭ سالدارىنان ءجيى-ءجيى دۇرىس كورسەتپەيتىن.
تسيفرلىق ەفيرلىك تەلەۆيزيا نەعۇرلىم ساپالى كەسكىن مەن دىبىس قابىلداۋعا مۇمكىندىك بەرەدى. ەڭ باستىسى, ترانسلياتسيالاناتىن ارنالاردىڭ سانىن بىرنەشە ەسە ارتتىرىپ, وبلىس ورتالىقتارىندا 30-عا دەيىن, ال ەڭ شالعاي اۋدانداردا 15-كە جەتكىزدى. بۇدان باسقا, قازىر ابونەنتتەرگە ءتۇرلى سەرۆيستەر قولجەتىمدى, ونىڭ ىشىندە تەلەباعدارلاما, قارالاتىن تەلەحاباردىڭ قىسقاشا سيپاتتاماسى جانە ت.ب.. ءبىر سوزبەن ايتقاندا, انالوگتى حابار تاراتۋدان تسيفرلىق حابار تاراتۋعا كوشۋ – كورەرمەندەر ءۇشىن دە, ۇلتتىق وپەراتور رەتىندە حابار تاراتاتىن «قازتەلەراديو» اق ءۇشىن دە العا باسقان ۇلكەن قادام.
تسيفرلىق ەفيرلىك تەلەۆيزيا ابونەنتى بولۋ وتە وڭاي. بۇل ءۇشىن تەلەديدارعا تسيفرلىق سيگنال قابىلدايتىن جالعاۋ قۇرالى مەن دەتسيمەترلىك انتەننا جەتكىلىكتى. ءسىزدىڭ كوز الدىڭىزعا كەرەمەت ساپامەن كورسەتىلەتىن وتاندىق ارنالاردىڭ ءتىزىمى شىعادى. ايتپاقشى, زاماناۋي تەلەديدارلاردىڭ كوبىنىڭ ىشىنە تسيفرلىق ەفيرلىك سيگنال قابىلداعىش سالىنعان. بۇل كەز كەلگەن باعدارالامانى جالعاۋ قۇرالىنسىز كورۋگە مۇمكىندىك بەرەدى. ەڭ ماڭىزدىسى, تسيفرلىق ەفيرلىك تۆ توپتاماسىنداعى ارنالار تەگىن تاراتىلادى.
سونىمەن تسيفرلىق ەفيرلىك تەلەۆيزياعا كوشۋ دەگەنىمىز – رەسپۋبليكالىق ماڭىزى بار قالالار مەن وبلىس ورتالىقتارىنان الىس تۇراتىن بولساڭىز دا, سۇيىكتى حابارلارىڭىزدى تەگىن ءارى تاماشا ساپامەن كورۋ مۇمكىندىگى.
قالاي قوسىلۋعا بولاتىنى جانە جابدىق ساتىپ الۋ تۋرالى تولىق اقپاراتتى www.tsetv.kz سايتىنان, سونداي-اق ۇيالى وپەراتورلارعا تەگىن
8 8000 800 193 ءنومىرى نەمەسە 193 ءنومىرى بويىنشا حابارلاسۋ ارقىلى الا الاسىز.