تەك دارىگەردىڭ تاعايىنداۋىمەن قولدانىڭىزدار!
2011 جىلدان باستاپ قازاقستاندا قۇرامىندا كودەينى بار پرەپاراتتاردى ەركىن ساتۋعا تىيىم سالىندى. اتالعان پرەپاراتتاردى ەندى تەك دارىگەردىڭ رەتسەپتىمەن عانا ساتىپ الۋعا بولادى.
بۇل شارا قۇرامىندا كودەينى بار پرەپاراتتاردى تەرىس پايدالانۋ سەبەپتەرىنە بايلانىستى قولعا الىندى. ناشاقورلاردىڭ وسىنداي پرەپاراتتاردان دەزومورفين ەسىرتكىسىن (فارماكولوگيالىق اسەرى جاعىنان مورفينگە ۇقساس, بىراق ودان دا ۋىتتى) پايدالاناتىندىعى تۋرالى ماسەلە وزەكتى بولىپ تابىلادى. ناشاقورلار ەرىتىندىنى شاپتاعى كوك تامىرعا نەمەسە ساننىڭ بۇلشىق ەتىنە ەنگىزەدى, سالدارىنان ولاردىڭ باسىم كوپشىلىگىندە گانگرەنا (قاعىنۋ) جىلدام تۇردە دامي باستايدى. مۇنداي جاعدايدا دارىگەرلەر كودەيندى پايدالانۋشى ناشاقورلاردىڭ ءومىرىن تەك اياعىن كەسۋ ارقىلى عانا ساقتاپ قالا الادى. ەگەر گەرويندى قولداناتىن ناشاقورلار ورتاشا ەسەپپەن 5-7 جىل ءومىر سۇرسە, ال دەزومورفينگە ءۇيىر جاندار 1-2 جىل عانا عۇمىر جاسايدى.
كودەين ەڭ كەڭ تارالعان ەسىرتكى پرەپاراتىنا جاتادى. سونداي-اق, كودەيندىك ناشاقورلىقتىڭ بەلگىلەرى اپيىندى قابىلداعانمەن بىردەي بولعانىمەن, ونىڭ وزىندىك ەرەكشەلىكتەرى بار. قۇرامىندا كودەينى بار پرەپاراتتاردى قابىلداعاندا ادامنىڭ دەنەسى قىزىپ, ءبىراز ۋاقىتقا ساناسى تومەندەيدى.
قۇرامىندا كودەيننەن تۇراتىن پرەپاراتتاردى پايلانۋدىڭ بەلگىلەرىنە: ۇيقىعا اۋەس بولۋ, دەنەدەگى اۋىرسىنۋلاردىڭ باسىلۋى ءتارىزدى بەلگىلەر جاتادى. كودەيندى قولدانعان ساتتە ناشاقوردا كۇلەگەشتىك, دورەكىلىك سىندى پسيحيكالىق اۋىتقۋلار بايقالادى. كودەيندى پرەپاراتتاردىڭ اسەرىنەن ناشاقور كوپ سويلەپ, جىلدام قيمىلدايدى, مازاسىزدىققا دۋشار بولادى. ول ءونىمدى ەڭبەكپەن اينالىسۋ قابىلەتىنەن ايىرىلادى. ابستينەنتتىك سيندروم كەزىندە اتالمىش پرەپاراتتاردان باس تارتقاندا – كوڭىل-كۇيدىڭ بۇزىلۋى, اۋىرسىنۋلار جانە جايسىزدىق پايدا بولادى. ادام ۋايىمعا نەمەسە دەنە ابستينەنتسياسىنىڭ سالدارىنان دولىلىقتىڭ قانداي دا ءبىر تۇرىنە سالىنادى ء(وزىن ناشار سەزىنۋ, دەگبىرسىزدىك, قول-اياقتىڭ دىرىلدەۋى, ۋايىمشىلدىق, جۇرەكتىڭ اينۋى جانە قۇسۋ, ۇيقىسىزدىق, بۇلشىق ەتتەردىڭ اۋىرۋى, ءتىستىڭ اۋىرۋى, ءىشتىڭ بۇزىلۋى ء(ىش قاتۋى, ءىش ءوتۋى), مۇرىننىڭ بىتەلۋى, تۇشكىرۋ, كوزدەن جاس اعۋ) جانە ت.ب.
ناشاقوردىڭ تابەتى جوعالادى, ءتاتتى مەن مايلى تاعامدارعا اۋەستىگى ارتادى. كودەينگە تاۋەلدىلىك يممۋندىق جۇيەگە زاقىم كەلتىرىپ, ناشاقور ناۋقاس ادامعا اينالادى. رۋحاني قۇلازۋ كودەيندىك دەپرەسسيامەن قاتار جۇرەدى, ناۋقاستار جابىرقاۋ كۇي كەشىپ, قانداي دا ءبىر ءىس-ارەكەتكە جارامسىز بولادى. ولار جىلدام قارتايا باستايدى, شاشتارى ءتۇسىپ, ءتىپتى, قاسقاباس بولۋى ابدەن مۇمكىن. سونداي-اق, تىستەرى ءتۇسىپ, تىرناقتارى سىنادى. ناشاقوردىڭ ومىرگە دەگەن قىزىعۋشىلىعى جوعالىپ, جالعىزسىرايدى. كودەينگە تاۋەلدى ناشاقوردىڭ كوڭىلى ەسىرتكى ىزدەۋگە قۇمار بولىپ تۇرادى. ءتىپتى, سول ءۇشىن ولاردىڭ قىلمىس جاسايتىن جاعدايلارى كوپ كەزدەسەدى. ودان ءوز ەركىمەن ارىلۋ مۇمكىن ەمەس. ول ءۇشىن ناشاقورلارعا ەمدەلۋ جانە ساۋىعۋ قاجەت.
ناركولوگتاردىڭ باعالاۋى بويىنشا, وسىنداي ەسىرتكى قۇرالدارىن قابىلداۋ ءتۇرلى سەبەپتەرگە اكەلىپ سوقتىرادى, اعزانىڭ نەيروگورمونالدىق جانە ەندوكريندىك جۇيەسى جىلدام السىرەيدى. بەرىلگەن قۇرالداردى ۇزاق قابىلداۋ دەپرەسسياعا, گالليۋتسيناتسيالاردىڭ پايدا بولۋىنا, ساندىراقتاۋعا, وزىنە-ءوزى قول جۇمساۋعا, يممۋنيتەتتىڭ كەمۋىنە جانە ىشكى اعزالاردىڭ ب ۇلىنۋىنە اكەلىپ سوقتىرادى. ءبىر ينەنى بىرنەشە ادامنىڭ قولدانۋى ايتۆ-ينفەكتسياسى مەن ۆ جانە س گەپاتيتتەرىن جۇقتىرۋ قاۋپىن ارتتىرادى. ەڭ قاۋىپتىسى سول, قۇرامىندا كودەينى بار دارىلەردەن جاسالعان ەسىرتكىلەردى پايدالانۋ – جىلدام ءارى تۇراقتى ادەتكە اينالۋى مۇمكىن.
تاريحقا كوز جۇگىرتسەك
ەجەلگى ەگيپەتتە اپيىندى ۇيىقتاتاتىن جانە تىنىقتىراتىن زات رەتىندە قولدانعان. ءبىزدىڭ داۋىرىمىزگە دەيىنگى مىڭ جىل بۇرىن ەمشىلەردىڭ ادامداردى ەمدەۋگە كوكناردان جاسالعان زاتتاردى قولدانعاندىعى تۋرالى مالىمەت بار. شىعىستا بۇل زاتتار الەكساندر ماكەدونسكي ارقىلى كەلگەن ەكەن. قىتايعا وسى سياقتى ەسىرتكىلەر ءبىزدىڭ ءداۋىرىمىزدىڭ IV عاسىرىندا جەتكەن كورىنەدى. بۇل ەسىرتكىلەر اسكەري جورىقتار كەزىندە كەڭىنەن قولدانىلىپتى. جاۋىنگەرلەر ولاردى وزدەرىنىڭ اسكەري كۇشتەرىنىڭ ارتۋى ءۇشىن قابىلداعان.
XVI عاسىردا اپيىن قاتارىنا جاتاتىن ەسىرتكىلەردى رەسمي مەديتسينا مويىندادى. ول جونىندە پاراتسەلس ەڭبەكتەر جازىپ, ونى بەلسەندى تۇردە پايدالانعان. بۇل زاتتاردىڭ جاناما اسەرلەرى تۋرالى العاشقى مالىمەتتەر تەك XVIII جۇزجىلدىقتا عانا بەلگىلى بولدى.
قازاقستان رەسپۋبليكاسىندا قۇرامىندا كودەينى بار 18 دارىلىك زاتتىڭ اتاۋى تىركەلگەن.
دارىلىك پرەپاراتتاردى باقىلاۋدى كۇشەيتۋ ءۇشىن قر دسم 13.09.2011 جىلى «دارىلىك زاتتاردى رەتسەپتىمەن وتكىزۋگە جاتقىزۋ تۋرالى» №526 بۇيرىعى شىعارىلدى. كودەينى بار دارىلەرگە تاۋەلدىلىكتىڭ دامۋ قاۋپىن ازايتۋ ءۇشىن قابىلداۋدىڭ ۇسىنىلعان ۇزاقتىعى 3 كۇنگە دەيىن قىسقارتىلدى. وسىعان وراي, ءدارىحانالاردان اتالعان دارىلەردى تەك دارىگەردىڭ كەڭەسىمەن الۋ جۇزەگە اسىرىلادى.
قازىرگى تاڭدا قازاقستان رەسپۋبليكاسىندا قۇرامىندا پاراتسەتامول جانە يبۋفەن بار اۋىرسىنۋدى باساتىن دارىلىك زاتتاردىڭ ۇلكەن كولەمى تىركەلگەندىگىن جانە مەديتسينالىق قولدانۋعا رۇقسات ەتىلگەندىگىن اتاپ وتكەن ءجون. قازاقستان رەسپۋبليكاسى ازاماتتارىنىڭ, اسىرەسە, وسكەلەڭ ۇرپاقتىڭ مۇددەلەرىن قورعاۋ جانە دەنساۋلىعىن ساقتاۋ ءۇشىن قۇرامىندا كودەينى بار قۇراما پرەپاراتتاردى دارىگەر كەڭەسىنسىز قولدانۋعا تىيىم سالۋ قاجەت.
كودەينى بار پرەپاراتتاردى باقىلاۋدى قۇقىق قورعاۋ ورگاندارىمەن بىرگە قر دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى جۇزەگە اسىرادى.
حالىقتى اقپاراتتاندىرۋ, دارىلىك ساۋاتتىلىعىن ارتتىرۋ ماقساتىندا تۇرعىندارعا ارنالعان 8 800 080 88 87 – بىرىڭعاي تەگىن تەلەفون جەلىسىنىڭ جۇمىس جاسايتىندىعىن ەستەرىڭىزگە سالامىز. قازاقستان بويىنشا كەز كەلگەن ستاتسيونار تەلەفوننان قوڭىراۋ شالۋ تەگىن.
داتو Call-قىزمەتىنىڭ تىكەلەي تەلەفوندارى قازاقستاننىڭ بارلىق ايماقتارىندا قولجەتىمدى. Call-قىزمەتىنە قوڭىراۋ شالۋ ارقىلى, ءسىز دارىلىك زاتتاردى دۇرىس قولدانۋ, پرەپاراتتاردىڭ تيىمدىلىگى جانە مۇمكىن بولاتىن جاناما اسەرلەرى, سونداي-اق, دارىلىك قامتاماسىز ەتۋگە ازاماتتاردىڭ قۇقىعى تۋرالى تولىق جانە شىنايى اقپارات الاسىز. سونىمەن قاتار, ءاربىر ازامات داتو-نىڭ www.druginfo.kz - رەسمي سايتىنا ساۋال جولداپ, جاۋاپ الا الادى.
قۇرمەتتى قازاقستاندىقتار, ءوز ءومىرلەرىڭىزدى, دەنساۋلىقتارىڭىزدى جانە جاقىندارىڭىزدىڭ دەنساۋلىعىن باعالاي بىلىڭىزدەر!
ءبىزدىڭ قىزمەتىمىز سىزدەرگە ارنالادى!
قر دسم «دەنساۋلىق ساقتاۋدى دامىتۋ رەسپۋبليكالىق ورتالىعى» شجق رمك ءدارى-دارمەك اقپاراتتىق-تالداۋ ورتالىعى
8 800 080 88 87
ءبىزدىڭ سايت: www.druginfo.kz