مەن قازاقستان حالقى اسسامبلەياسىنىڭ مۇشەسى رەتىندە ونىڭ استانا قالاسىندا وتكەن XXI سەسسياسىنا قاتىسقاندىعىمدى اركەز قۋانىشپەن ەسكە الاتىن بولامىن.
ءبىزدىڭ حالقىمىز ءوزىنىڭ ۇلتتىق قۇرامى جاعىنان سان الۋان. وسىلاي قالىپتاسۋىنا تاريحي جاعدايلار اسەر ەتكەنى بەلگىلى. بىراق, ورتاق ءبىر نارسە بار, ول – ءبىز, قازاقستان حالقىمىز, ءتۇرىمىز, تەگىمىز, ءتىلىمىز, ءدىن مەن ءدىل اركەلكى بولسا دا, ءبىرتۇتاس, بىرىڭعاي حالىقپىز.
قازاقستان حالقى اسسامبلەياسى ءوزىنىڭ قۇرىلعان كەزىنەن باستاپ قازاقستاندا تۇراتىن حالىقتار اراسىنداعى بەيبىتشىلىك پەن كەلىسىمنىڭ نىعايۋىندا ۇلكەن ءرول اتقاردى. سوڭعى جىلداردا قوعامداعى ونىڭ ءرولى ايرىقشا كورىنە باستادى. اسسامبلەيا جۇمىسىنىڭ نەگىزگى باعىتى رەتىندە بەيبىتشىلىك پەن كەلىسىمنىڭ قازاقستاندىق ينستيتۋتى ارتا ءتۇستى. مەملەكەتىمىزبەن بىرگە قالىپتاسۋ جولىمەن جۇرە وتىرىپ, اسسامبلەيا ءوزىنىڭ قاجەتتىلىگى مەن مەن ماڭىزدىلىعىن كورسەتتى. مەملەكەت باسشىسى قازاقستان حالقى اسسامبلەياسى مەن قر كونستيتۋتسياسىنىڭ 20 جىلدىعىنا وراي 2015 جىلدى – اسسامبلەيا جىلى دەپ جاريالاۋعا ۇسىنىس ءبىلدىردى. نۇرسۇلتان ءابىش ۇلى ءار سەسسيادا تىلدىك ساياسات ماسەلەسىن كوتەرەدى. بۇگىنگى تاڭدا قحا جاڭا قازاقستاندىق ءپاتريوتيزمنىڭ, ۇلتتىق-مەملەكەتتىك سايكەستىكتىڭ جانە ۇلتتىق بىرلىكتىڭ نىعايۋىنا ءوز سەپتىگىن تيگىزىپ وتىر. اسسامبلەيا الدىنا مەملەكەتتىك ءتىلدى ەنگىزۋ سالاسىن كەڭەيتۋ مەن قازاقستاندا تۇراتىن وزگە ەتنوستاردىڭ تىلدەرىن دامىتۋ مىندەتى قويىلدى.
قازاقستان ۋكرايندارى ءۇشىن قازاقستان حالقى اسسامبلەياسىنىڭ بيىلعى سەسسياسىنىڭ ماڭىزى زور. ويتكەنى, يۋنەسكو-نىڭ 37-سەسسياسىندا 2014 جىل ت.گ.شەۆچەنكو جىلى دەپ جاريالانعان بولاتىن. ال تاراس شەۆچەنكو – ەكى حالىقتىڭ – قازاق پەن ۋكراينداردىڭ ورتاق پەرزەنتى بولا الدى. ماڭعىستاۋدا كوبزاردىڭ 200 جىلدىعى كەڭ كولەمدە اتالىپ ءوتىلدى.
پرەزيدەنت ن.نازارباەۆ قحا سەسسياسىندا ۋكرايناداعى جاعدايعا قاتىستى ءوز پىكىرىن ءبىلدىردى. مەن ءۇشىن جانە ءاربىر ۋكراين ۇلتىنىڭ وكىلى ءۇشىن ەلباسىنىڭ ءبىزدىڭ تاريحي وتانىمىز جايىندا ايتقان ءسوزى قىمبات بولىپ تابىلادى. ەلباسىمىز ۋكراينا جاعدايىن بەيبىت كەلىسىم جولىمەن شەشۋ كەرەك دەپ سانايدى, سونداي-اق, نۇرسۇلتان نازارباەۆ «قازىرگى تاڭدا ۋكراينادا بولىپ جاتقان بارلىق جاعداي ءبارىمىزدى دە ويلاندىرۋى ءتيىس» دەدى. تىنىشتىقتىڭ دامۋ جولىنا باستايتىندىعىن «ەكونوميكا, ءوسىم, جاقسارۋ, مۇنىڭ ءبارى بەيبىتشىلىك پەن كەلىسىم جاعدايىندا عانا بولادى», دەپ اتاپ ءوتتى ەلباسى. سونىمەن قاتار, ول ۋكراينا قوعامى بىرلىگىنىڭ تەز ارادا قايتا تۇراقتانۋىنا ءۇمىت ارتتى.
قازاقستان رەسپۋبليكاسىنداعى ادام قۇقىقتارىنىڭ بارلىق ءتۇرىنىڭ شەكتەلۋىنە جول بەرىلمەيتىندىگى مەن قاتاڭ جازالاتىنىن اتاپ وتكەن نۇرسۇلتان ءابىش ۇلى زاڭ الدىندا ءبارىنىڭ تەڭ ەكەنىن جانە «بىرلىك, اۋىزبىرلىك – قوعامنىڭ باستى بايلىعى» ەكەندىگىن قاداپ ايتتى. سەسسيادا «دوستىق ءۇيى» تاقىرىبى دا ساتىمەن قوزعالدى. ويتكەنى, بۇل ءبىزدىڭ وبلىسىمىز ءۇشىن دە ماڭىزدى بولىپ تابىلادى. ەلباسىنىڭ ايماقتىق دوستىق ۇيلەرىن دامىتۋ كونتسەپتسياسىن جاساقتاۋ تۋرالى ءسوزى كوڭىلگە قونىمدى. ءبىر مەملەكەتتە تۇرعان سوڭ, ونىڭ دامۋى مەن تىنىشتىعى – ءبىزدىڭ بولاشاعىمىزدىڭ كەپىلى. سوندىقتان, ەلباسى تاپسىرماسىمەن ۇسىنىلعان ەل دامۋىنا نەگىزدەلگەن «قازاقستان – 2050» ستراتەگياسىن بىرلەسە جۇرگىزۋ ءمىندەتى تۋدى. وسى ۇلى ىسكە ءوز ۇلەسىن قوسۋ ءاربىر قازاقستاندىقتىڭ پارىزى دەپ ويلايمىن.
سەسسيادا وقىلعان ەلباسى بايانداماسى – ەل رەتىندە, مەملەكەت رەتىندە ۇيىسىپ, العا الاڭسىز قادام باسا بەرۋگە سەنىمىمىزدى نىعايتادى.
تاتيانا لەسنيچەنكو,
ت.گ. شەۆچەنكو اتىنداعى ۋكراين ەتنومادەني بىرلەستىگىنىڭ ءتورايىمى.
اقتاۋ.